ҚТЖ-ның пойыздарымен мемлекетаралық бағыттарда 670 мыңнан астам жолаушы тасымалданды

Жыл басынан бері Ұлттық тасымалдаушының мемлекетаралық пойыздарымен 673 мыңнан астам жолаушы тасымалданды. Ұлттық тасымалдаушының негізгі бағыттарына: №1/2 «Алматы-Ташкент», №7/8 «Алматы-Саратов», №113/114 «Алматы-Казань», №301/302 «Алматы-Новосибирск», №83/84 «Қарағанды-Самара», №145/146 «Қарағанды-Омск», №625/626 «Атырау-Астрахань» кіреді. Сонымен қатар, Қазақстан арқылы жақын шетелдерге бағытталған 10 транзиттік мемлекетаралық пойыздар қызмет көрсетеді.

«Жолаушылар тасымалы» АҚ жолаушыларға Қазақстанның мемлекеттік шекарасын теміржол арқылы кесіп өткенде шекаралық және кедендік бақылаудан өту тәртібін еске салады.

1.Теміржол көлігінде жолаушыларды тасымалдау кезінде мемлекеттік бақылау арнайы уәкілетті органдар тарапынан жүзеге асырылады. Бақылау қызметкерлері пойызға теміржол станцияларында немесе арнайы белгіленген орындарда мінгеннен бастап, шекаралық өткелге немесе мемлекеттік шекараға жеткенге дейін тексеріс жүргізеді.

2.Құжаттарды тексеру халықаралық бағыттағы пойыз вагондарында тікелей жүргізіледі. Жолаушылар тексеру барысында дайын құжаттарымен өз орындарында отыруы қажет.

3.Тексеру барысында дәретханалар мен мейрамхана вагоны жабық болады. Жолаушыларға вагон ішінде жүруге рұқсат етілмейді.

4.Кеден қызметкерлері сапар мақсаты, қайту уақыты және шетелде болатын орны туралы сұрақтар қоюы мүмкін. Жолаушылар бұл сұрақтарға нақты әрі түсінікті жауап беруі тиіс.

5.Алдымен қол жүгі, содан соң төленген жүк тексеріледі. Қажет болған жағдайда жүктің тасымалдану мақсатын көрсетіп, кедендік декларация толтырылады.

Кедендік тексеру кезінде барлық қажетті ақпарат толық қаралады, дегенмен қызметкерлер пойыздың қозғалысына кедергі келтірмей, тексеріс барысын мүмкіндігінше жедел жүзеге тырысады.