Теміржолшылар "Таза Қазақстан" акциясы аясында мың ағаш отырғызды

"Таза Қазақстан" республикалық акциясы аясында Бүгін ҚТЖ барлық құрылымдық бөлімшелері мен филиалдарында ауқымды экологиялық акция өтті, деп хабарлайды Rail-news.kz.  

Бүкіл ел бойынша теміржолшылар мың жасыл желек отырғызды: қайың, қарағай, тал және басқа да көшеттер. Акцияға 600-ден астам адам қатысты.  

Сондай-ақ, теміржолшылар депо аумақтарын, станциялар мен вокзалдарды тазалаумен, ағаштар мен шекараларды ақтаумен айналысты.    

"Біз мұндай акцияларға үнемі қатысамыз. Депо аумағында біздің көз алдымызда өскен ағаштар бар. Біз ортақ күш-жігерімізбен қаламызды әдемі әрі таза етеміз", - деді елордалық вагонды пайдалану депосы бастығының орынбасары Бегім Бақтыбаев.  

Биыл теміржолшылар барлығы 2454 ағаш отырғызды.