Өткелде есірткі тәркіленді
Ақтөбе облысы бойынша меншікті тілші
«Ақтөбе-1-Жіңішке» өткеліндегі темір жол бойында 18 жастағы Қостанай тұрғыны ұсталды. Одан 50-ден астам қаптамаға оралған есірткі тәркіленді.
Теміржол тәртіп сақшылары күдікті тұрғынды жеке тінту кезінде оның әмиянынан 51 ұнтақты зат салынған қаптаманы тапты. Алынған психотроптық заттың жалпы салмағы 560 грамнан асады, бұл аса ірі көлемге жатады. Қазіргі уақытта аталған факт бойынша сотқа дейінгі тергеу жүргізілуде. Теміржол сақшылары станциялар мен вокзалдар маңында қауіпсіздік шараларын күшейтті.
Тәртіп сақшылары өзге ақпараттардың ҚР ҚПК 201-бабының талаптарына сәйкес тергеу мүддесіне орай жария етілуге жатпайтынын айтты. Мұндай бақылау, анықтау жұмыстары басқа өткелдер мен станцияларда жүретін болады.