Көлік министрлігінде Республика күніне арналған салтанатты жиын өтті
Мереке қарсаңында ұйымдастырылған іс-шараға ведомство ұжымы мен оған қарасты мекемелердің өкілдері қатысты, деп хабарлайды Rail-news.kz сайты Көлік министрлігіне сілтеме жасап.
Салтанатты жиынды Көлік министрі Марат Қарабаев бастап беріп, қызметкерлерді құттықтады.
«Қазақстан Республикасының Президенті Қасым-Жомарт Тоқаевтың Жарлығымен Республика күні Ұлттық мереке мәртебесіне ие болған еді. Еліміз қарқынды дамып келе жатқан нарықтық экономикасы, демократиялық әлеуметтік жүйесі және халықаралық беделі бар заманауи мемлекет», – деді министр Марат Қарабаев.
Жиын барысында сала мамандары еліміздің әлеуметтік-экономикалық және көлік-логистикалық дамуына қосқан үлесі үшін «Мемлекеттік қызмет ардагері», «Құрметті жолшы», «Құрметті авиатор», «Заң саласының үздігі» төсбелгілерімен марапатталды. Бұдан бөлек бір топ қызметкерге Көлік министрінің Құрмет грамоталары мен Алғыс хаттары табыс етілді.