Таразда экоакция өтті
Көктемде басталған «Таза Қазақстан» экологиялық акция күзгі тазалық айлығында қарқын ала түсті.
Жыл бойы жалғасып келе жатқан экологиялық акцияға «ҚТЖ» ҰК» АҚ Тараз көлік оқу орталығы филиалы - Темір жол көлігі персоналын бағалау және дамыту орталығының қызметкерлері мен оқыту шеберлері, тыңдаушылары да атсалысты.
Жалпы бүгінге дейін эконауқанға Жамбыл облысының 800 мыңнан астам тұрғыны қатысқан. Қалалар мен аудандарды, елдімекендерді тұтас қамтыған тазалық акциясы барысында саябақтар мен көшелер тазартылды. Мекемелер аумағы да назардан тыс қалған жоқ.
– Елімізде жастар ресурстық орталықтары мен қоғамдық ұйымдардың бастамасымен «Таза Қазақстан» республикалық экологиялық акция өтіп жатқаны белгілі. Орталық директоры Лашынкүл Күзербаева бастаған орталық қызметкерлері акцияға үн қосып, тазалық жұмыстарын жүргізді. Сол қарқынмен мекеме аумағына ағаш көшеттерін отырғыздық, - дейді орталықтағы кәсіподақ ұйымының төрайымы Гүлжан Ақназарова.
