Жақында «Магистраль Awards-2024» жүлдегерлері анықталады
«Қазақстан теміржолшысы» газетінің тілшісі
Жақында Еуразия көлік кешені көшбасшыларына арналған «Магистраль Аwards-2024» жүлдесінің иелері анықталып, лауреаттарды марапаттау рәсімі өтеді.
Маңызды жиын 19 желтоқсанда Астанадағы «The Ritz-Carlton» қонақ үйінде өтіп, оның барысында Еуразиялық көлік пен логистика саласындағы компаниялар «Магистраль Awards» лауреаттары атанады.
Салалық жүлдені «ҚТЖ» ҰК» АҚ, «TLK Media», ҚР Көлік министрлігі, ҚР Мәдениет және ақпарат министрлігі, «KAZLOGISTICS» көлікшілер одағы және Еуразия экономикалық комиссиясының қолдауымен Н.Исингариннің көлік бастамаларын қолдау қоры ұйымдастырады.
Көлік саласындағы беделді жүлденің мақсаты – мемлекетаралық көлік бастамаларын жүзеге асырудағы жетістіктерді ынталандыру, цифрлық технологиялар мен инновацияларды қолдануды, кадрлық, медиалық, Еуразия көлік кешеніндегі әлеуметтік жобаларды қолдау. Биыл салалық байқауға бес мемлекеттен жүзден аса қатысушылар өтінім берді, олардың ішінде жетекші теміржол, порт, логистикалық компаниялар бар.
Салтанатты жиынның тікелей эфирдегі көрсетілімі ұйымдастырушылардың әлеуметтік желілерінен көрсетіледі.