Экологиялық акцияға қатысқан бөлімшелер марапатталды

Өткен жұмада «ҚТЖ-Жүк тасымалы» ЖШС «Таза Қазақстан» экологиялық акциясы бойынша жұмыстарын қорытындылап, бұл іс-шараға белсенді қатысқан бөлімшелерді алғыс хатпен марапаттады.

– «ҚТЖ-Жүк тасымалы» ЖШС филиалдарында экологиялық мәдениетті қалыптастырып, тазалықты сақтауға аударту мақсатында мемлекет басшысының бастамасын қолдай отырып, апта сайын «Таза Қазақстан» экологиялық акциясын өткізіп келдік. Акция шеңберінде 498 156 шаршы метр әкімшілік-тұрмыстық және өндірістік нысандар аумақтары қоқыстардан тазартылды. Сонымен қатар «ҚТЖ-Жүк тасымалы» ЖШС бойынша барлығы 11 504,65 кг макулатура, 454 кг пластик, 3934 кг аккумуляторлық батарея, 2456,4 кг ортехника жиналып, сұрыпталып, кәдеге жаратылды. Ағаш отырғызу іс-шарасы бойынша барлығы 2192 ағаш егілді. Бұдан бөлек, қызметкерлер жұмыс орындарын күн сайын жинап, жеке заттар мен жалпы инвентарьді сақтау бойынша ережелерді ұстанды, – деді «ҚТЖ-Жүк тасымалы» ЖШС Өндірістік қауіпсіздік және экология департаментінің менеджері Светлана Сыдықова.  

Серіктестіктің бас инженері Марлен Көкірекбаев «Таза Қазақстан» экологиялық акциясына белсенді қатысып, сүбелі үлес қосқан Павлодар, Қарағанды, Алматы, Қызылорда жүк тасымалы бөлімшелері мен Илецк станциясы ұжымдарын алғыс хаттармен марапаттады. Биыл бірінші рет Компания қызметкерлері арасында қоршаған ортаны қорғау бойынша корпоратив деңгейіндегі олимпиада өтіп, оған «ҚТЖ-Жүк тасымалы» ЖШС мамандары да қатысқан болатын. Осы олимпиадада Ақмола ЖТ бөлімшесіне қарасты ТЧЭ-10 экологы Әсел Тұрлыбаева бірінші, Жамбыл ЖТ бөлімшесіне қарасты ТЧЭ-32 маманы Гүлдана Хұсайынова екінші орынды иеленіп, «Адал еңбек» медалімен марапатталса, Семей вагон депосының экологы Қайрат Сәдуақасов Алғыс хат алды.