Мерекелік наградалар табыс етілді

Қазақстан Республикасының Тәуелсіздігі күні қарсаңында Магистральдық желі дирекциясының бизнес серіктестері мен бір топ қызметкері «Қазақстан темір жолына – 120 жыл», «Адал еңбегі үшін» және «Үздік маман» төсбелгілерімен марапатталды.

– 1991 жылдың 16 желтоқсанында Қазақстанның Жоғары Кеңесі «Тәуелсіздік және мемлекеттің егемендігі туралы» заңды қабылдады. Бабаларымыз аңсап өткен тәуелсіздікке қол жеткіздік. Сол себептен бұл күн – тұтас бір ұлттың арманы орындалған маңызды мереке. ҚТЖ қызметкерлері ел экономикасының дамуына сүбелі үлес қосып келеді. Бүгін біз Магистральдық желі дирекциясы қызметкерлері мен дирекцияның бизнес серіктестерінің ерен еңбектерін бағалап, айтулы мереке қарсаңында марапаттауды жөн көрдік, – деді Магистральдық желі дирекциясының директоры Сакен Маратов.

«Қазақстан темір жолына-120 жыл» мерекелік медалімен Дирекцияның серіктестері – «Ақтөбе рельсарқалық зауыты», «TCS Engineering», «Alageum Electric», «Qaz Rail Automatic», «Проммаш kz», «Теміржол жөндеу», «Integra Construction KZ», «Казцентрэлектропровод», «Жанатас KZ», «Drive Industry», «Проект ЭнС» ЖШС-лары мен Әскери қатынас бас басқармасы өкілдері мен дирекция департаменттерінің басшылары марапатталды.  

Ал теміржол саласының дамуына үлкен үлес қосқан мамандар қатарында – Тариф саясаты директорының департаменті Гүлмира Рахимбековаға, Электрлендіру және энергетика департаментінің бас менеджері Асқар Жақыпбековке «Адал еңбегі үшін», Техникалық даму департаментінің менеджері Гүлнар Ажмұхановаға, Материалдық базалар департаментінің менеджері Ардақ Катреновке «Үздік маман» төсбелгілері табыс етілді.