Жыл қорытындыланды
«Қазақстан теміржолшысы» газетінің тілшісі
Астанада кәсіподақ басшылығының, филиал төрағаларының, кәсіподақ ұйымының аймақтық өкілдерінің және жергілікті кәсіподақ төрағаларының қатысуымен «Қазкөліккәсіп» ҚБ Орталық кеңесінің кеңейтілген отырысы өтті.
Тарих қойнауына табыстағалы отырған осы жылдың соңғы отырысында кәсіподақ төрағасының орынбасарлары Ж.А.Сабитов пен Г.О.Несіпбаевтың, кәсіподақ төрағасының кеңесшісі Б.М.Қуанышевтың Орталық кеңестің ағымдағы жұмысы туралы және Қарағанды, Шымкент, Маңғыстау филиалдарының, ӘТЖК филиалдары басшыларының есептері тыңдалды. Сонымен қатар Кәсіподақ қызметінің түрлі мәселелері қарастырылып, алдағы 2025 жылы Қазақстан кәсіподақ қозғалысының 120 жылдығын мерекелеу аясында Кәсіподақ пен оның құрылымдық бөлімшелерінің жұмысының перспективалары талқыланды.
Кездесу соңында «Қазкөліккәсіп» ҚБ төрағасы Оразғали Ахметбаев жиналғандарды және олар арқылы барша сала қызметкерлерін, ардагерлерді, олардың отбасы мүшелерін келе жатқан 2025 жылмен шын жүректен құттықтап, зор денсаулық, жаңа табыстар тіледі.