ЕАЭО темір жол көлігі саласындағы интеграциялық процестерді тереңдетуде

ЕАЭО-ға мүше мемлекеттер темір жолдары басшыларының бірінші кеңесі Мәскеуде (РФ) өтті, оның қорытындысы бойынша темір жол көлігі саласындағы интеграциялық процестерді тереңдетуге бағытталған өзара іс-қимыл құралы (СРЖД) құрылды, деп хабарлайды Rail-news.kz.

Армения, Беларусь, Ресей, Қазақстан және Қырғызстан темір жол әкімшіліктері басшылары СРЖД жұмысының бірқатар негізгі құжаттарын қабылдады, ағымдағы жұмыс бойынша пікір алмасу жүзеге асырылды және 2025-2026 жылдарға арналған бірлескен жұмыс жоспары қабылданды.

Сонымен қатар, "Қазақстан темір жолы" ҰК" АҚ  «Российские железные дороги» ААҚ-мен екіжақты кездесу өткізді, оның барысында 2024 жылғы жұмыстың қорытындысы шығарылды. Атап айтқанда, контейнерлік тасымалдар транзитінің 5 жыл ішінде Ресей Федерациясынан ҚХР-ға 8 есе, ҚХР-дан Ресей Федерациясына 27 есе ұлғаюы байқалды.

Сондай-ақ, ағымдағы жылға жоспарлар белгіленді. Тараптар Қытай-Еуропа, Солтүстік-Оңтүстік транзиттік маршруттарын дамыту туралы уағдаласты, 2025 жылға арналған мемлекетаралық түйісу пункттері жұмысының тиімділігін арттыру жөніндегі іс-шаралар жоспарына қол қойды.