Минскіде логистикалық маршруттардың дамуы талқыланды
Минскіде (Беларусь) теміржол логистикасы мен халықаралық көлік дәліздерін дамытудың негізгі мәселелерін талқылау үшін Еуразия елдері өкілдерін жинаған "2025. Теміржол логистикасы: дамудың өзекті міндеттері" III Халықаралық жүк конференциясы өтті, деп хабарлайды Rail-news.kz.
Форумда "Қазақстан темір жолы" ҰК" АҚ еншілес компаниясы ("KTZ Express" АҚ) атынан Маркетинг және сыртқы байланыстар департаментінің директоры Олжас Сағымбеков сөз сөйледі. Өз баяндамасында ол "Солтүстік - Оңтүстік" және Трансауған дәлізі сияқты маңызды бағыттарға баса назар аудара отырып, Қазақстан аумағы арқылы өтетін логистикалық маршруттардың ағымдағы жай-күйі мен даму перспективаларын ұсынды.
Спикер: "KTZ Express компаниясы Қазақстанның халықаралық көлік-логистикалық желідегі маңызды буын ретіндегі позициясын күшейте отырып, стратегиялық маңызды логистикалық бағыттарды белсенді дамытуда. Бұл маршруттарды дамыту халықаралық ынтымақтастықсыз және көлік процесіне қатысушылардың барлығының іс-қимылын үйлестірусіз мүмкін емес. Біздің бірлескен жұмысымыз нақты нәтижелер әкелетініне және барлық тараптар үшін жаңа көкжиектер ашатынына сенімдіміз" деп атап көрсетті.
Конференция теміржол логистикасы саласындағы өзекті сын-қатерлер мен мүмкіндіктерді талқылау, сондай-ақ елдер мен компаниялар арасындағы іскерлік байланыстарды нығайту үшін маңызды платформаға айналды. Іс-шараға қатысушылар халықаралық көлік дәліздерінің тиімділігін арттыру мен әртүрлі өңірлік және жаһандық көлік жүйелерінің табысты интеграциясы үшін одан әрі ынтымақтастықтың маңыздылығын атап өтті.