ҚТЖ Ұлы Отан соғысы ардагерлерін құттықтады

ҰОС қатысушыларына жеңіс күніне орай компания 50 АЕК (196 600 теңге) мөлшерінде материалдық көмек көрсетеді, деп хабарлайды Rail-news.kz.

ҚТЖ компаниялар тобында бүгінде Ұлы Отан соғысының сегіз ардагері есепте тұр. Олардың төртеуі-100 жылдық межеден өткен ұзақ жасаушылар.

Олардың арасында 10 сәуірде Қарағандыда өзінің ғасырлық мерейтойын атап өткен Григорий Петрович Степенко бар. Ақпан айында  шымкенттік Қалмен Мұратов пен Орал қаласынан Борис Сергеевич Шолубай 101 жасқа толды. 100 жастық мерейтойын наурыз айында Ақмола филиалының ардагері Арсений Андреевич Щудляк атап өтті.

Ақтөбелік ардагер Александра Тихоновна Саратовцева мен павлодарлық ардагер Василий Иванович Григораш 99 жаста. Астаналық Василий Антонович Сердюков пен қостанайлық Андрей Яковлевич Шаров 98 жасқа толып отыр.  

Соғыстан кейін ардагерлер елге теміржолда қызмет етіп, ондаған жылдарын арнады. Олардың еңбегі сала мен мемлекеттің дамуы үшін берік іргетасқа айналды.

ҰОС қатысушыларына жеңіс күніне орай компания 50 АЕК (196 600 теңге) мөлшерінде материалдық көмек көрсетеді.

Сондай-ақ, компания есебінде Ленинград блокадасының 3 қатысушысы, концлагерьлердің 5 тұтқыны және 1000-ға жуық тыл еңбеккері тіркеуде тұр.

Теміржолшылар өз батырларын мақтан тұтады: үйлеріне барып, мерекелерімен құттықтайды. Еріктілер ардагерлерді қамқорлық пен қошеметке бөлеп, үй шаруашылығына көмек көрсетеді.