Павлодарлық теміржолшылар ардагерді Жеңіс күнімен құттықтады
Ұлы Отан соғысының қатысушысы, 99 жастағы Василий Иванович Григораш "І-дәрежелі Теміржол даңқы" медалімен марапатталып, естелік сыйлықтар табыс етілді, деп хабарлайды Rail-news.kz.
Василий Иванович 1926 жылы дүниеге келген, ол 17 жасында майданға аттанған. Жауынгерлік ерлігі үшін II дәрежелі Отан соғысы орденімен және "Жапонияны жеңгені үшін" медалімен марапатталған. Демобилизациядан кейін ол бүкіл өмірін темір жолға арнады — от жағушыдан машинистке дейін, 38 жыл бойы Павлодар локомотив депосында зор сеніммен және адал еңбегімен жұмыс істеді.
Ардагердің ерекше мақтанышы - "Миллион шақырым апатсыз жүру" төсбелгісі және сержанттар мектебін бітіргеннен кейін бөлім туының жанындағы фотосурет.
Василий Иванович - батылдықтың, еңбектің және өз ісіне берілгендіктің мысалы. Павлодарлық теміржолшылар өз ардагерлерін мақтан тұтады және батырларды құрметтеу дәстүрін жалғастыруда.