Талғат Алдыбергенов теміржолшы әйелдерді 8 наурыз мерекесімен құттықтады
«Қазақстан темір жолы» ҰК» АҚ Басқарма төрағасы Талғат Алдыбергенов теміржолшы әйелдерді 8 наурыз халықаралық әйелдер мерекесімен құттықтады, деп хабарлайды Rail-news.kz.
Құрметті ханымдар, болат жолдың ару қызметкерлері!
Баршаңызды 8 Наурыз – көктемнің шуақты мерекесімен шын жүректен құттықтаймын!
Тәртіп пен төзімділікті талап ететінтемір жол саласында сіздер осы сын-қатерлерді тамаша еңсеріп, біздің қатал салаға үйлесімділік, тәртіп пен жайлылық әкелесіздер. Шалғай станциялар мен кеңселерде қажырлы еңбек етіп, пойыздар қауіпсіздігі мен жолаушылардың жайлылығын қамтамасыз ете жүріп, әйелдер қауымының таланты мен қабілетіне шек жоқ екенін күн сайын дәлелдеп келесіздер.
Ауқымды өзгерістер мен цифрлық трансформация дәуірінде икемділігіңіз, стандартты емес шешімдерді таба білулеріңіз және әр нәрсеге жете мән беру бізге жоғары мақсаттарға жетуге мүмкіндік береді. Біз «Қазақстан темір жолы» компаниясының мыңдаған адамнан тұратын ұжымында әйелдер еліміздің көліктік-логистикалық әлеуетін дамытуға баға жетпес үлес қоса отырып, негізгі позицияларды иеленетінін мақтан тұтамыз.
Теміржолшылардың бірнеше ұрпағын тәрбиелеген сала ардагерлеріне және бүгінгі күні мерекені жұмыс орнында, яғни жол бойында немесе басқару пультінде қарсы алатын нәзік жан иелеріне ерекше алғысым мен ризашылығымды білдіргім келеді. Сіздердің жанқиярлығыңыз бен адалдығыңызеріксіз тәнті етеді.
Бұл күні құшағыңыз гүлге, жүзіңіз шат күлкіге толсын. Отбасыңызға амандық, бақ пен береке, жүрегіңізге мәңгі көктем орнасын деп тілеймін.
Мереке құтты болсын!