ҚТЖ мен Huawei теміржол тасымалына ЖИ қолдану арқылы озық технологияларды енгізуді талқылады
Корреспондент газеты «Қазақстан теміржолшысы»
«Қазақстан темір жолы» ҰК» АҚ Басқарма төрағасы Талғат Алдыбергенов ҚХР-ға жұмыс сапары аясында Шэньчжэнь қаласының Көлік басқармасына барды және Huawei компаниясы басшылығымен бірқатар кездесулер өткізді, деп хабарлайды Rail-news.kz.
Сапар барысында ҚТЖ басшысы Huawei Technologies Co., Ltd. Директорлар кеңесінің төрағасы Лян Хуамен және «Ақылды темір жолы» бизнес бөлімшесінің президенті Цзо Мэнмен кездесті.
ҚТЖ-ның Huawei-мен ынтымақтастығы Қазақстан мен Қытай технологиялық диалогы мен стратегиялық серіктестіктің маңызды элементі бола отырып, табысты дамуда. Компаниялардың жалпы стратегиялық мақсаты озық байланыс технологиялары, үлкен деректер, бұлттық және ЖИ шешімдері базасында заманауи интеллектуалды «ақылды темір жолды» құру.
ҚТЖ-ның жұмыс делегациясы бүкіл әлем бойынша Huawei енгізген Көліктегі және теміржол тасымалындағы ақылды басқару жобаларымен, Ашықтық, киберқауіпсіздік және құпиялылықты қорғау орталығымен, Қауіпсіздік, диспетчерлеу және темір жол көлігінде ЖИ-технологиялар саласындағы инновациялық әзірлемелермен танысты.
Huawei штаб-пәтерінде жұмыс сапары шеңберінде тараптардың одан әрі ынтымақтастығы туралы хаттамаға қол қойылды, ол FRMCS стандарты байланысының жаңа буындарына көшуге, Big Data және бұлтты инфрақұрылымды дамытуға, теміржол көлігіндегі қауіпсіздікті қамтамасыз ету үшін ЖИ қолдана отырып жүйелерді енгізуге, магистральдық желінің өткізу қабілетін және тасымалдау процесінің тиімділігін арттыруға бағытталатын болады.
Жастар кадрлық резервін қоса алғанда, ҚТЖ-ның Huawei-мен бірлесіп оқыту және компания мамандарының біліктілігін арттыру мәселелеріне ерекше назар аударылды.