150 мыңнан астам жүргізуші теміржол өткелдері арқылы өту ережелерімен танысты
«Қазақстан темір жолы» ҰК» АҚ жүргізушілерді теміржол өткелдерінен өту кезінде қауіпсіздік ережелерін қатаң сақтауға шақырады, деп хабарлайды Rail-news.kz.
2026 жылдың бірінші тоқсанында теміржол өткелдерінде 4 жол-көлік оқиғасы тіркелді. Барлық жағдайлар күзетілмейтін реттелетін өткелдерде орын алды және автокөлік құралдары жүргізушілерінің дұрыс жұмыс істеп тұрған өткел белгі беруі жағдайында жол қозғалысы ережелерін бұзуының салдары болды.
ҚТЖ-да теміржол көлігі теміржол өткелдеріндегі жол қозғалысының басқа қатысушыларына қарағанда басымдыққа ие екенін еске салды.
Қауіпсіздікті арттыру үшін компания еліміздің барлық өңірлерінде кешенді профилактикалық жұмыстар жүргізеді. 2026 жылдың бірінші тоқсанында 296 профилактикалық рейд жүргізілді, оның барысында 16 бұзушылық анықталды. 150 мыңнан астам жүргізуші өткелдер арқылы жол жүру ережелерімен танысты. 3 мыңға жуық адамның қатысуымен 113 кәсіпорын өкілдерімен кездесулер ұйымдастырылды.