«Мөлдір бұлақ»: Атыраулық теміржолшылар Жайық бойын тазартты
Атырау облысы бойынша меншікті тілші
ҚР Президентінің бастамасымен ұйымдастырылған «Таза Қазақстан» бағдарламасы аясында елімізде өзен-көлдерді қоқыстан тазартуды көздейтін республикалық «Мөлдір бұлақ» акциясы басталды.
Сәуірдің 4 күні Атырау қаласында Жайық өзені бойын тазалау жұмыстары жүргізіліп, оған Атырау магистральдық желі бөлімшесіне қарасты құрылымдық мекемелерден 35 жасқа дейінгі теміржолшылар қатысты. «Самұрық-Қазына» Жастар кеңесінің шешімімен акцияға өңірдегі теміржол мекемелерінен жастар тартылды. Акция мақсаты – өзен-көлдердің маңын тазалау, су айдындарының таза күйінде сақталуына және қоршаған ортаның таза болуына жағдай жасау. «Жұмыла көтерген жүк жеңіл» демекші, біздің теміржолшылар да республикалық акцияға қатысып, аймақ тазалығына өз үлестерін қосуда» дейді бөлімшедегі кадр бөлімінің бастығы Анар Жалғасбаева.
Акция аясында бірнеше жүк көлігімен қоқыстар шығарылып, өзен бойлары айнадай тазарып, айдын жарқырап қалды.