Ақтау мен Құрық порттарын жаңғыртуды жеделдету қажет – Олжас Бектенов
Премьер-министр Олжас Бектенов Үкімет отырысында көлік саласындағы негізгі көрсеткіштердің өскенін, бірақ өткізу қабілетін одан әрі арттыру қажеттігін атап өтті, деп хабарлайды Rail-news.kz.
«Көлік саласында оң динамика қалыптасып,негізгі көрсеткіштердің өсуіне қол жеткізілді. Сонымен қатар теміржол желісінің өткізу қабілетін жүйелі түрде арттыру қажет. Бекітілген жобалардың құрылысы мен жаңғырту жұмыстары осы жылдың соңына дейін аяқталуға тиіс», - деп атап өтті Олжас Бектенов.
Сондай-ақ халықаралық көлік дәліздерін және порттардың инфрақұрылымын дамытуға да көңіл бөлінді.
«Бүгінгі таңда Транскаспий халықаралық көлік бағыты – қарқынды дамып келе жатқан дәліздердің бірі. Ақтау мен Құрық порттарының инфрақұрылымын жаңғыртуды жеделдету қажет. Автожол саласының алдында өңірлердің көлік байланысын арттыру үшін аса маңыздыірі стратегиялық жобаларды іске асыру міндеті тұр. Биыл 11 мың шақырым автомобиль жолын құрылыс және жөндеу жұмыстарымен қамту қажет», - деп атап өтті Премьер-министр.
Бұл ретте Олжас Бектенов бірқатар жобаларды даярлау қарқынына назар аударды.
«Сондай-ақ мемлекеттік кепілдік есебіненқаржыландыру жоспарланған автожол жобалары бойынша құжаттаманы сүйемелдеу процесі баяу жүріп жатыр», - деп атап өтті ол.