ҚТЖ мен Қытай темір жолдарының ынтымақтастығы: Талғат Алдыбергенов Ван Цзиньсимен кездесті
ҚТЖ ғимаратында теміржол ынтымақтастығы ұйымы конференциясының XL отырысы аясында компания басшысы Талғат Алдыбергенов «Қытай темір жолдары» МК (ҚТЖ) Директорлар кеңесінің мүшесі, Партия басшылық тобы хатшысының орынбасары Ван Цзиньсимен кездесті, деп хабарлайды Rail-news.kz.
Тараптар екі елдің транзиттік-көліктік әлеуетін дамыту жөніндегі міндеттерді дәйекті орындауға мүмкіндік беретін үйлесімді өзара іс-қимылдың жоғары тиімділігін атап өтті.
Көрсеткіштердің тұрақты өсуі статистикамен расталады: 2026 жылғы бірінші тоқсан қорытындысы бойынша тасымалдау көлемі 9,3% ұлғайып, 9,1 млн тоннаға жетті, бұл Қазақстан мен Қытай аумағы арқылы өтетін көлік дәліздеріне сұраныстың артып келе жатқанын көрсетеді.
Келіссөздер барысында Транскаспий халықаралық көлік бағдарын (ТХКБ) дамытуға және маршруттарды цифрлық трансформациялауға ерекше назар аударылды. 2026 жылғы бірінші тоқсанқорытындысы бойынша ТХКБ бойынша 125 контейнерлік пойызбен жүк тасымалданса, бұл өткен жылдың сәйкес кезеңі көрсеткішінен 34,4% артық.
Инфрақұрылымды кеңейтуде айтарлықтай прогреске қол жеткізілді. Тараптар Достық –Алашаңқай теміржол учаскесін салу жөніндегі үкіметаралық келісімді келісу бойынша жедел жұмысы үшін өзара алғыстарын білдірді және Бақты – Тачэн үшінші шекаралық өткелін салу жөніндегі құжатты келісуді белсенді түрде ілгерілетуге уағдаласты.
ҚТЖ және Қытай темір жолдарының синергиясы географиялық артықшылықты Шығыс пен Батыс арасындағы сауда интеграциясының қуатты құралына айналдыра отырып, екі елдің экономикалық өсуінің басты драйвері болып табылады.