ҚТЖ мен РЖД жүк тасымалын цифрландыру бойынша бірлескен іс-қимыл жоспарына қол қойды

Ресей Федерациясының Президенті В. В. Путиннің Қазақстан Республикасына мемлекеттік сапары аясында «Қазақстан темір жолы» ҰК» АҚ және «Российские железные дороги» ААҚ Мемлекет басшыларының қатысуымен жүк темір жол тасымалдарын цифрландыруды дамыту жөніндегі бірлескен іс-қимыл жоспарына қол қойды, деп хабарлайды Rail-news.kz.

Жоспардың негізгі мақсаты Қазақстан мен Ресей темір жолдары арасында бірыңғай цифрлық кеңістікті қалыптастыру болып табылады. Бірлескен бастамаларды іске асыру тасымалдау процесінің тиімділігін арттыруға, жүктерді өңдеуді жеделдетуге және халықаралық маршруттарда заманауи цифрлық шешімдерді енгізуді қамтамасыз етуге мүмкіндік береді.

Жоспар бірқатар стратегиялық бағыттарды іске асыруды көздейді:

- үздіксіз транзитті қамтамасыз ету және цифрлық кедергілерді жою үшін ақпарат алмасуды жетілдіру;

- электрондық құжат айналымын қолдануды кеңейту және жүктерді тасымалдау кезінде қағазсыз технологияларды дамыту;

- мемлекетаралық қатынаста электрондық деректер алмасу саласындағы халықаралық ынтымақтастықты нығайту.

Сонымен қатар, тараптар тоғыз ресейлік-қазақстандық мемлекетаралық түйіспе өткізу пункті бойынша пойыздар алмасу көлемін кезең-кезеңімен ұлғайтуға келісті.

Құжатқа қол қою Қазақстан мен Ресейдің көліктік-логистикалық өзара іс-қимылын дамытудағы маңызды қадам болады, сондай-ақ Ресей мен Орталық Азия елдері арасындағы негізгі экономикалық көпір ретіндегі Қазақстанның рөлін нығайтады. Бірлескен бастамаларды іске асыру жүк ағындарын жеделдету және бүкіл еуразиялық кеңістікте логистикалық тізбектерді оңтайландыру үшін қосымша жағдайлар жасайды.