Теміржолшылардың мерекелік демалысы
«Қазақстан теміржолшысы» газетінің тілшісі
«ҚТЖ» ҰК» АҚ «Көпсалалы қызмет көрсету орталығы» филиалы төл мерекені елорда сыртындағы демалыс орнында ерекше атап өтті. Филиалдың барлық департаменттерінен бас қосқан теміржолшылар үшін тимбилдинг ұйымдастырылды.
Мерекелік демалыс «Больше-выше» командалық ойынымен басталды. Тимбилдинг бағдарламасында судағы жарыстар, көбік шашу, би кеші, түрлі командалық спорттық жарыстар қамтылды. Бұл жарыстар тек көтеріңкі мерекелік көңіл-күй сыйлап қана қоймай, ұжымның өзара байланысын, командалық рухын нығайтуға септік еткені анық.
Орталықтың басшысы Молдабеков Казимир Аспандиярұлы алғаш рет ұжым қызметкерлері үшін осындай мерекелік демалыс ұйымдастыруға бастама көтерген. Күләш Даньярова жетекшілік ететін кәсіподақ ұйымы ол бастаманы қолдаған.
Командалық жарыстар нәтижесінде кәсіподақ тарапынан 1-орын алған командаға 100 мың, 2-орынға 80 мың, 3-орынға 50 мың теңгелік сертификаттар берілді. Жалпы тимбилдингке орталықтың 130-дан астам қызметкері қатысты. Олар іс-шара өте қызықты өтіп, ерекше көңіл күй сыйлағанын айтады. Қызметкерлер филиал директорына осындай игі бастама көтергені үшін, ал кәсіподақ ұйымына оны жоғары деңгейде ұйымдастырғаны үшін алғыс айтып, алдағы уақытта осындай шаралардың тұрақты өтіп тұруына ниет білдірді.