Ерен еңбектері еленді

«ҚТЖ» ҰК» АҚ – «Тасымалдау процесі дирекциясы» филиалының директоры Владимир Викторович Петров әріптестерін кәсіби мерекемен құттықтап, саланың дамуына сүбелі үлес қосқан бірқатар қызметкерлерді марапаттады.

Атап айтқанда, филиал директорының шұғыл жұмыс жөніндегі бірінші орынбасары Ербол Түсіпов теміржолшылардың жоғары мәртебелі атағы – «Құрметті теміржолшы» белгісімен, АЦУП Бағыттар бойынша диспетчері Марат Темірбеков пен Вагон шаруашылығы департаментінің бас менеджері Самал Тәңірқұлова «ІІІ дәрежелі Теміржол даңқы» төсбелгісімен марапатталса, «Адал еңбегі үшін» төсбелгісі Солтүстік РЦУП бөлімшесі бойынша кезекші Аманкелді Балқыбековке, Вагон шаруашылығы бас менеджерлері Дулат Бектұров пен Нұрболат Құлмағамбетовке, сондай-ақ «Кәсібі бойынша үздік» төсбелгісі Солтүстік РЦУП жылжымалы құрам және вагон шаруашылығы жөніндегі бөлімінің локомотив диспетчері Айзада Жүсіповаға, Вагон шаруашылығы департаментінің бас менеджерлері Жанар Божеева мен Қуат Қалиевке табыс етілді. Сонымен қатар дирекцияның бірқатар қызметкерлері Көлік министрлігі мен Ұлттық компания басшылығынан Құрмет грамоталары мен Алғыс хаттар, Корпоративтік сағаттар алды.  

Бұл күні «ҚТЖ» ҰК» АҚ – «Біріктірілген жоспарлау дирекциясы» филиалынан салада жиырма жыл еңбек еткен дирекция директорының орынбасарлары Әліби Төлегенов пен Ғани Есенбаев та «Құрметті теміржолшы» белгісінің иегерлері атанса, «Үздік мамандар» Құрмет тақтасы теміржол саласындағы еңбек өтілі 27 жылды құрайтын Жаңагүл Тұңғышпаеваның есімімен толықты. Ал филиалдың тағы екі қызметкері – Батырхан Тоқжұманов «ҚТЖ» ҰК» АҚ Басқарма төрағасының Құрмет грамотасын, Қанат Бекеев Алғыс хатын алды.