Жыл басынан бері ҚТЖ-ның локомотив паркі 146 заманауи локомотивпен толықты
Шілде айында ҚТЖ-ның локомотив паркі Alstom және CRRC компаниялары өндірген үш электровоз бен тоғыз маневрлік тепловоздан тұратын 12 жаңа локомотивпен толықты. Жалпы, жыл басынан бері 146 бірлік заманауи тартқыш техникасы қабылданды, деп хабарлайды Rail-news.kz.
Жаңа локомотивтер Солтүстік өңірдегі локомотив деполарына жіберілді. «Электровоз құрастыру зауыты» (ЭҚЗ) өндірген үш электровоз Астанаға жеткізілді. Ал CRRC компаниясы шығарған маневрлік тепловоздардың әрқайсысы үш бірліктен Павлодар, Қарағанды және Астана локомотив деполарына бөлінді.
Локомотив паркін жаңарту пойыз және маневрлік жұмыстардың сенімділігі мен тиімділігін арттыруға, деполардың техникалық жарақтандырылуын жақсартуға және локомотив бригадаларының еңбек жағдайларын жетілдіруге мүмкіндік береді.