Үлкен сұранысқа ие

Жаңалықтар

29.07.2016, 18:06

Оқуға 2 мин

Таяуда ғана жолаушылар пойызының жаңа «Шалқар – Бейнеу» тармағымен жолға шыққаны туралы сүйінші сұрап едік. Бүгінде аталған бағытта жолда жүру құжатының 45 күн бұрын ерте сатылатынына қарамастан, билетке сұраныс өте жоғары болып тұр. «Жолаушылар тасымалы» АҚ БАФ директорының орынбасары Жомарт Перзадаевтың айтуынша, жаңа жолмен қатынаудың тиімділігін алдымен жергілікті тұрғындар сезініп отыр. Ақтөбеден Маңғыстау бағытына жолға шыққысы келетіндердің өзі Шалқар арқылы қатынауды жөн көріп отыр. Ал Астананы бетке алған маңғыстаулықтар Шалқар арқылы Сексеуілге дейін жетіп, әрі қарай басқа пойызға отырады екен. – Жол бойындағы жаңа елді станцияларда тұратын тұрғындар бұрынғыдай жеңіл көлікпен жолсыз жермен қатынамайды. Бұрын жеті сағат уазикпен шаңдатып жол жүру деген жоқ. Рас, әзірге, жолаушылар пойызы жаңа жолдың үстімен сәл төмен жылдамдықпен жүреді. Дегенмен, ревизорлар алдағы уақытта жылдамдықты арттыруы мүмкін. Жалпы, әбден төселген жолдармен жолаушылар пойызы сағатына 100-120 шақырым жылдамдықпен жүйткиді, – дейді Жомарт Перзадаев. Оның айтуынша, жергілікті халықтың тілегі бойынша аталған тармақпен болашақта қала маңы пойыздары да қатынай бастауы мүмкін. Жаңа жолмен қатынап жатқан «Алматы – Маңғыстау» бағытындағы жолаушылар пойызының бастығы Клара Мырзатаеваның айтуынша, алғашқы күндері-ақ пойыздың жолаушы сыйымдылығы 80-90 пайызды құраған. - Алдағы уақытта ұл жолмен жаңа жолаушылар вагоны қатынайтын болады дейді. Демек, жыл соңына дейін біздің пойыз құрамымызда су жаңа, зауыттан жаңа шыққан вагондар пайда болады деп сенемін, - дейді пойыз басшысы. Айтпақшы, Клара Мырзатаева бұл жаңа бағдардың жергілікті халықты зор қуанышқа бөлегені соншалық, тіпті, жол бойындағы бір елдімекен басшысы халық атынан рахметін пойыз бастығына Алғыс хат табыстап білдіріпті. «Сіздерді 2016 жылдың 5 шілдесі күнгі жаңадан салынған Жезқазған-Шалқар-Бейнеу темір жолы бойынша алғаш сапарға шығып, жол бастауларыңызбен шын жүректен құттықтаймыз. Әр кез сәт сапар, ақ жол тілей отырып, отбасыларыңызға амандық, дендеріңізге саулық тілеймін», делінген екен жергілікті билік органы өкілі табыс еткен алғыс хатта.

Үлкен сұранысқа ие

Басқа да жаңалықтар

Қазір оқылуда

Қазақстан теміржолшысы газеті, №80 09 қазан 2026 жыл

Қазақстан теміржолшысы газеті, №79 06 қазан 2026 жыл