Жарты жылда 1,5 млн жолаушы 

Жаңалықтар
23.08.2016, 18:29
    Астана әуежайы жұмысының қорытындысы бойынша  2016 жылғы І жартыжылдықта жолаушылар ағыны 1,5 млн адамды құрады, бұл өткен жылдың сәйкес кезеңімен салыстырғанда 5 пайызға артық.        Әуежайдың баспасөз қызметінің хабарламасы бойынша аталған уақыт аралығында ішкі бағыттар бойынша жолаушылардың жалпы көлемі 1 млн-нан астам адамды құрап, 2015 жылға қарағанда 11%-ға  өскен. Сұраныс көп бағыттар Алматы, Шымкент және Ақтау болып табылады. Халықаралық бағыттарда қызмет көрсетілген жолаушылар саны 493 мыңға жуық адамды құрады, бұл өткен жылдың 6 ай көрсеткішімен салыстырғанда 6%-ға аз. Танымал бағыттар Франкфурт, Ыстамбұл және Мәскеу болып шықты. Рейстердің азаюы ішкі туризмнің дамуына, халықаралық бағыттарға билет бағасының қымбаттауына байланысты. Астана әуежайында қызмет көрсетілген рейстердің саны – 11 955   рейс, былтырғымен салыстырғанда 4%-ға  артық. Осы жылғы қаңтар-маусым айлары бойынша өңделген жүктер мен пошта саны 4 012 тоннаны құрады, бұл өткен жылмен салыстырғанда 11%-ға жоғары. Өндірістік қызмет көрсеткіші артуының негізгі факторы қолданыстағы рейстердің жиілігін көбейтуден және жаңа бағыттар ашудан болып отыр. Жылдың басынан-ақ елордалық әуежайда жаңа бағыттар ашылды. Ағымдағы жылғы мамырда Air France KLM авиакомпаниясы аптасына 4 рет жиілігімен Астанадан Амстердам қаласына жаңа бағыт ашты.  Чартерлік туристік бағдарлама да саяхаттау жанкүйерлерін қуантты. 1 маусымнан бастап BH Air Бургас қ. жыл сайынғы чартерлік бағдарламасын қайта бастады. Алғаш рет Астана әуежайынан Skybus авиакомпаниясы Сочи, Батуми қ. жаңа бағыттар ашты. Бұдан басқа аталған компания Батуми, Грозный қалаларына чартерлік тасымалдарды орындайды. Жазғы кезеңге Ellin Air авиакомпаниясы әуесқой саяхатшыларға Салоники қаласына чартерлік туристік бағдарламасын қайта бастады. Сонымен қатар, тұрақты серіктестер Эйр Астана, Түрік авиажолдары, Атлас Глобал жазғы маусымға Анталья қаласына чартерлік рейстерді қайта бастады     Астана әуежайы Экспо-2017 көрмесінің қонақтарын қарсы алуға белсенді дайындалып жатыр. Осыған байланысты жолаушылар терминалының реконструкциясы жобасы кезеңмен іске асырылуда. Қазіргі уақытта терминал ғимаратының монолитті темір бетон қаңқасын көтеру бойынша жұмыстар аяқталды, шатырдың, техникалық қабаттың, келбетінің металл құрылмасының монтажы жүріп жатыр, еденді, аралықтарды, ішкі инженерлік коммуникацияларын жасау құрылыс-монтаж жұмыстары жүргізіліп жатыр, әрлеу жұмыстары басталды. Жаңа жолаушылар терминалын енгізумен бірнеше қызметтер автоматтандырылады деп күтілуде.

Нұрай СӘРСЕНҒАЛИ

Жаңалықтар
18.09.2025
Алматыда оқыту семинары өтті
Жолаушылар тасымалы
17.09.2025
Адамдар неге пойызбен жүруді жөн санайды?
Жолаушылар тасымалы
17.09.2025
Тағы қай бағыттың пойыздары Starlink интернетіне қосылатыны айтылды
Әлемде
17.09.2025
Калифорнияда сутекпен жүретін алғашқы пойыз іске қосылды
Жаңалықтар
17.09.2025
ALT университетінде ҚТЖ басшыларына арналған «Үздіктер алаңы» бағдарламасы басталды
Жүк тасымалы
17.09.2025
Қостанай өңірінен темір жолмен астық тасымалдау 20%-ға артты
Жаңалықтар
17.09.2025
Теміржолшылар қалдықтарды сұрыптау жолдарын үйренді
Жаңалықтар
16.09.2025
Теміржолшылардың қысқы маусымға дайындығы талқыланды
Жүк тасымалы
16.09.2025
Қытай – Қазақстан – Түрікменстан – Иран теміржол дәлізі жанданады
Трансформация
16.09.2025
Жүк тасымалы мен магистральдық желіні біріктіру – уақыт талабы
Аймақтар
16.09.2025
Қысқа әзірлік қарқынды жүргізілуде
Қауіпсіздік
16.09.2025
Екі көпір тұрса да, ерінетіндер көп
Аймақтар
16.09.2025
Әулиеата командасы бас жүлдені жеңіп алды
Қауіпсіздік
16.09.2025
«ҚТЖ»-да еңбек қауіпсіздігі мен экология бойынша үздіктер анықталды
Жаңалықтар / Мұрағат
16.09.2025
Қазақстан теміржолшысы газеті, №75 16 қыркүйек 2025 жыл
Жаңалықтар
15.09.2025
ҚТЖ мен РЖД стратегиялық ынтымақтастық бойынша басым бағыттарды айқындап алды
Әлеумет
15.09.2025
Теміржолшының студент баласына жол ақысы өтеледі
Жүк тасымалы
15.09.2025
Мамыр-қыркүйек аралығында 24 млн тонна көмір тасымалданды
Цифрландыру
15.09.2025
Бейнеу станциясы цифрландыруға көшеді
Станция тынысы
15.09.2025
Жұмыс сапасы жіті назарда