Атыраудан Алматыға күнде қатынайтын пойыз шығару жоспарда бар

Жаңалықтар
21.06.2019, 13:15
Қосұйым Мұқашев

Атырау облысы бойынша меншікті тілші

Жаздыгүні қай бағытқа болса да, жолаушылар қозғалысы күрт артатыны белгілі. Жазда каникулға шыққан студенттер мен оқушылардан басқа, жыл сайын бір келетін демалысын алып қыдыратын, саяхаттайтын халық бар, әйтеуір жолаушы саны екі есе көбейеді. Вокзалдар толған халық, кассаның алды ығы-жығы, кейбірі тіпті маңдайшасына «билет жоқ» деп жазып қояды... 

Атырау вокзалының басында да күндіз-түні қарбаласқан адам нөпірі басталып кеткен, бірі діттеген бағытына билет табылып қуанып жатса, енді бірі билет таппай сенделіп жүр. Сұрастыра келе, көп бағытта орын жоғы рас екенін білдік. Аймақтағы пойыз құрамын жасақтаушы «Жолаушылар тасымалы» АҚ Батыс филиалының Атырау телімі бастығы Әлмұқан Есқалиевтен осы мәселеге байланысты түсінік беруін сұраған едік. Оның айтуынша, билет тапшылығының орын алып отырғаны рас. Әсіресе, Астана мен Алматыға билет жоқ. Алайда, телім басшылығы қай бағытқа да қосымша вагон қосу жүзеге асырылып отырғанын жеткізді. Мәселен, Атырау-Астана бағытындағы №№47-48 пойызға барлығы 11 вагон жүрсе, оған қоса тағы 4 вагон қосылып отыр. Маусымның 17, 19 күндері Атыраудан жүріп кеткен пойызға 1 плацкарт және 2 купе, 1 жұмсақ купелі (CП) вагондар қосылыпты. Әр пойызға осылай бір-екі вагоннан қосылып отыр екен.

Жаздыгүндері еліміздің түкпір-түкпірінен Маңғыстаудағы Бекет ата басына баратын халық көбейеді. Соған сәйкес түбекке қарай қатынайтын адам саны да екі-үш есе артады. Бұл бағыттағы №313/314 «АтырауМаңғышлақ» пойызына да 1 купе, 1 плацкарт вагоны қосылыпты. Бірақ мұнда да вагон үнемі қосыла бермейді, тек сұраныс болған жағдайда, адам саны шамадан асып кеткенде ғана бөлінетіндігін түсіндірді телім бастығы.

№625/626 «Атырау-Астрахань» пойызына да сұраныс бар, мұнда бүгінгі күні 1 плацкарт және 3 купе вагоны қатынауда, бірақ қосымша вагонға мұқтаждық жоқ, орын жеткілікті. Жолаушылар тарапынан үлкен сұранысқа ие болып отырған бағдар Алматыға дейін қатынап, жолда оңтүстік өңірді түгел дерлік шарлап өтетін №№41-42 пойызы, мұнда барлығы 16 жолаушы вагоны бар. Бұл бағыттағы вагон құрамы Атыраудан жасақталғалы бері, атыраулық жолаушылардың «айы оңынан туып», шарқ ұрып билет іздеу азабы бұрынғыдан азайған. Яғни, күні бұрын билет алып қойсаңыз болды. Маусымның 18 және 20 күндері Алматыға шыққан №№41-42 пойызға да екі плацкарт, бір купе, бір жұмсақ – барлығы 4 вагоннан қосылған. Жолаушының көптігін есептегенде, бұл – өте жақсы көрсеткіш. Сонымен қатар, Алматыға «Тальго» жүреді, алайда оны екінің бірінің қалтасы көтере бермейді екен.

– Біз барлық бағытта да мүмкіндігінше қосымша вагон бөлуге тырысып жатырмыз. Кейде адам санынан қарай 4-5 вагонға дейін қосатын кездеріміз болады. Қалай болғанда да компанияның міндеті – жолаушыны діттеген жеріне жеткізуге жағдай жасау. Қазіргі уақытта 26 вагонымыз жөндеуде тұр, тағы 24 вагон жоспарлы жөндеуге қойылмақшы, соған қарамастан вагондар санын шектеп отырған жоқпыз, – дейді телім бастығы.

«Ұзынқұлақтан» естуімізше, «Жолаушылар тасымалы» АҚ-ның Атыраудан Алматыға күнде қатынайтын пойыз шығару жоспары бар екен. Мұны Ә.Есқалиев те жоққа шығармады. Ол жоба жүзеге асса, Алматыға билет тапшылығы мүлдем жойылар еді деп армандайды мұнайлы өңір халқы.   

Жаңалықтар
14.06.2024
Парламентте ҚТЖ-ның қаржылық жағдайы сөз болды
Жаңалықтар / Мұрағат
14.06.2024
«Қазақстан теміржолшысы» газеті, №50 14 маусым 2024 жыл
Инфрақұрылым
13.06.2024
Өткелдер техникалық талапқа сай ма?
Спорт
13.06.2024
Тараз станциясында футболдан іріктеу турнирі өтті
Инфрақұрылым
13.06.2024
Жыл басынан бері 514,2 км теміржол желісі жөнделді
Станция тынысы
13.06.2024
Қазалы станциясы айына 1000 вагон жүк түсіреді
Станция тынысы
13.06.2024
Сарыөзектің үздік бригадасы
Аймақтар
13.06.2024
Ақтөбенің локомотив паркі жаңарып жатыр
ҚТЖ келбеті
13.06.2024
Жылжымалы құрамның қауіпсіз қозғалысын қамтамасыз етуде электромеханиктің жұмысы маңызды
Жолаушылар тасымалы
13.06.2024
Қазақстанда пойызбен қандай курорттық аймақтарға баруға болады?
Әлемде
12.06.2024
Euro-2024. Жанкүйерлер үшін Германия ішінде пойызбен қатынау тиімді болмақ
Жаңалықтар
12.06.2024
Еуропалық комиссия мен Қазақстан Транскаспий дәлізін үйлестіру платформасын іске қосты
Әлемде
12.06.2024
Эстонияда Operail жүк операторын сату бойынша аукцион басталды
Жолаушылар тасымалы
12.06.2024
Алғашқы туристік пойыз Алматыға Сианнан 1 шілдеде келеді
Жолаушылар тасымалы
12.06.2024
Елордадан Бурабай курортына электр пойызбен 2,5 сағатта жетуге болады
Жаңалықтар
11.06.2024
ҚТЖ мен Қытай терминал қызметін дамыту туралы келісті
Жүк тасымалы
11.06.2024
Қазақстан мен Қытай арасындағы теміржол жүк тасымалы 12% өсті
Жаңалықтар
11.06.2024
ЕО мен Қазақстан Транскаспий дәлізін дамыту мәселесін талқылады
Жолаушылар тасымалы
11.06.2024
ҚТЖ елордадан Алматы мен Шымкентке қосымша пойыздарды шығарады
Қауіпсіздік
11.06.2024
Бейнеу станциясында санитарлық-карантиндік жаттығу өтті