Келер жылдың бағдары талқылануда
«Қазақстан теміржолшысы» газетінің тілшісі
Нұр-Сұлтан қаласында «Транскаспийлік халықаралық көлік бағдары» халықаралық ассоциациясы» ЗТБ-ны дамыту бойынша Жұмыс тобының отырысы басталды.
Екі күндік шарада Әзербайжан, Грузия, Қазақстан темір жолдары мен «АКТП» ЖАҚ және ТХКБ атқарушы органы өкілдері аталған ассоциацияның 2020 жылға арналған бағдары бойынша жүк тасымалына тариф шарттарын талқылау үшін бас қосты. Бұл кездесуді Қазақстанда өткізу туралы шешім осы жылы 22 қазанда Грузияның астанасы Тбилиси қаласында өткен ассоциацияның Жалпы жиналысында шығарылған болатын. Осы жолғы отырыс барысында Қара теңізде фидерлік бағытты іске қосу бойынша жұмыс тобының кездесуі өтті. Оған «АКХП» ЖАҚ, «GR Logistics», GRAMPET Group, «ADY Container» ААҚ, «ACSC Logistics» ААҚ, «KTZ Express» АҚ және «ТХКБ» ХА» ЗТБ атқарушы органы қатысты. Екінші күні де ассоциация жұмысын дамыту бойынша Жұмыс топтарының жабық кездесулері жалғасын тапты. Шара қорытындысында Жұмыс тобының Хаттамасына қол қойылды.