Теміржолшылар қауіпсіздігі үшін
«Қазақстан теміржолшысы» газетінің тілшісі
Форумға «Жоба менеджменті» байқауы бойынша қатысып, іріктелген 24 жобаның біреуін алып келген Ақтөбе ЖТ бөлімшесіне қарасты Қандыағаш вагон пайдалану депосында еңбек қорғау инженері Еркебұлан Асабаевтың салада 10 жылдық еңбек өтілі бар.
Саладағы жұмысын ең төменгі сатыдан, слесарьлықтан бастаған теміржолшылар династиясының өкілі Еркебұлан атасы 45 жыл станция кезекшісі, станция бастығы болып еңбек еткенін, сол кәсіпті атаанасы, олардан өзі мен бауырлары жалғап, теміржолда еңбектеніп жатқандарын мақтаныш ететінін жеткізді. Бұл форумға бірінші рет қатысып отыр. Бес адамнан тұратын жобалық топ «Вагон жеңі мен Узотты біріктіретін фиксатор» деген рационализаторлық ұсыныс әкелді. – Бұл қазақша айтқанда «қысқыш» деп аталады. Бұл вагон қараушы теміржолшылардың қауіпсіздігі үшін аса маңызды. Вагондар арасында жалғанатын екі жең жалғанғанда олардан ауа жүреді. Бізде УЗОТ деген бар, содан вагондарды алдын ала дайындап қояды. Осыдан қатты қысым кеткенде жаңа жеңдер шығып кетеді, сол кезде жұмысшылар дене жарақаттарын алмау үшін осы қысқышты ойлап таптық. Бұрынсоңды мұндай болмаған. Ақтөбедегі басшылық біздің жобамызды қолдап, осы жиынға жіберді. Бұл жақта сарапшыларға оның тиімділігін түсіндіріп, жобамызды қорғадық. Енді шешімін күтеміз. Бұл байқауда орын алмағанның өзінде бұл идеямыз өндіріске енгізіледі, – дейді өзіне-өзі сенімді жігіт . Жобаның жүзеге асырылу мерзімі – 1 ай, шығыны 20 мың теңгені құрайды екен. Жобаны қорғау барысында олар оның мақсаты мен өзектілігін, орындаушысын, жүзеге асыру географиясын, жүзеге асыру механизмдерін сарапшыларға түсіндіріп берген.