Он жылда - он екі мың ұсыныс тіркелді
«Қазақстан теміржолшысы» газетінің тілшісі
«ҚТЖ» ұлттық компаниясының инновациялар мен білімді басқару саласындағы саясаты идея генерациясын ынталандыру және қолайлы инновациялық орта қалыптастыру бойынша жүйелі шараларды жасауға бағытталып отыр.
Компания қызметкерлері өндіріске инновацияны енгізу бойынша Компанияның негізгі қозғаушы күші болып табылады. Он жыл ішінде экономикалық тиімділігі 1,3 млрд теңгеден асатын 12 мыңнан астам рационализаторлық ұсыныс тіркелген. Ал 2019 жылы экономикалық тиімділігі 61 млн теңгені құрайтын 986 рационализаторлық ұсыныс өндіріске енгізіліпті. Осы ретте, компанияның жас қызметкерлерін инновациялық процеске тартуға «Менеджмент жобасы» байқауы зор мүмкіндік бергені айтылады. Сала қызметкерлерінің рационализаторлық қызметін одан әрі дамыту және қолдау алдағы уақытта да жалғасын таба бермек.