Әлеуметтік пакет азаймайды
«Қазақстан теміржолшысы» газетінің тілшісі
Ұлттық компания биыл да қолайлы еңбек жағдайын жақсартуға жеткілікті көңіл бөліп отыр. Басқарма төрағасының тапсырмасымен барлық деңгейдегі басшыларды тарта отырып қолайлы еңбек жағдайын жасау бойынша кешенді бағдарлама жасалуда.
Жыл басындағы оң өзгерістердің бірі – желілік кәсіпорындардағы жұмысшылардың жалақысы 5 пайызға көтерілгені болды. Сонымен қоса биыл 1 қаңтардан бастап «пилоттық жоба» ретінде жол монтерлері мен бригадирлері үшін еңбекке қатысу коэффициенті енгізілді.
Бұл жобаны нәтижесіне қарай алдағы уақытта Жолаушы тасымалына да қолдану жоспарлануда екен.
Сонымен қатар салалық жарыс қағидаты бойынша рейтинг бағалауларының қорытындысында анағұрлым үздік нәтиже көрсеткен желілік филиалдар жұмысшыларына тоқсан сайын сыйақы берудің оң тәжірибесі жалғасын табуда.
Сондай-ақ компанияда корпоративтік әлеуметтік саясатты жүзеге асыру жалғастырылып, 2020 жылы әлеуметтік қолдау шаралары сақталып қана қоймай, олардың көлемі ұлғайтылды.
Компания стратегиясында «ҚТЖ-Жүк тасымалы» АҚ, «Жолаушылар тасымалы» АҚ және «Әскерилендірілген темір жол қызметі» АҚ-ны акционерлік қоғамнан жауапкершілігі шектеулі серіктестік ретінде қайта құру туралы да ұсыныстар қарастырылуда.
Бұл өзгерістер бюрократияға тосқауыл қойып, ұйымдар тиімділігін арттыру үшін қажет. Тәуелсіз директорға сыйақы төлеу шығындары қысқартылып, салықтық жүктеме төмендетіледі. Мәселен, «Жолаушылар тасымалы» АҚ, «Вагонсервис» АҚ және «Қаламаңы тасымалы» АҚ-ны біріктіру салықтың өзінен ғана 2 млрд теңге үнемдеуге мүмкіндік береді деген болжам жасалады.
Бұл ретте тікелей ұйым басшыларының басқарушылық шешімдері үшін жауапкершілігі арттырылады. Жұмысшылар үшін бұл өзгерістер еңбек жағдайын жақсарту жағынан да ерекше байқалатын болады, әрі әлеуметтік пакет те төмендетілмейді.