10 маусымынан бастап тағы 34 жолаушылар пойызы іске қосылды
«Қазақстан теміржолшысы» газетінің тілшісі
Коронавирус індетінің таралуына жол бермеу жөніндегі ведомствоаралық комиссияның шешімімен және ҚР Индустрия және инфрақұрылымдық даму министрлігінің келісімі бойынша 2020 жылдың 10 маусымынан бастап Қазақстан бойынша Көліктегі бас мемлекеттік санитарлық дәрігердің талаптарын ескере отырып, тағы 34 жолаушылар пойызы іске қосылады.
Сонымен, Қазақстан ішінде барлығы 119 жұп жолаушылар пойызы қатынайтын болады. Айта кету керек, Құлсары, Мақат және т.б. сияқты станцияларда карантиндік режимге байланысты 5 пойыз жүрмейді.
Есесіне, жазғы кезеңде Алакөл көліне бірнеше жолаушылар пойызы қатынамақ. Олар: 11 маусымнан бастап күн сайын жүретін №459-6941/6942460 «Өскемен-Достық» және №4576941/6942-458 «Семей-Достық» пойыздары; 14 маусымнан бастап аптасына үш рет қатынайтын №255/256 «Алматы 2 – Достық» пойызы; 18 маусымнан бастап аптасына екі рет қатынайтын №258/257 «Нұр-Сұлтан-1 – Достық» жолаушы пойызы.
Мемлекеттік шекаралар ашылғаннан және басқа мемлекеттердің темір жол әкімшіліктерімен келісілгеннен кейін қалған бағыттар кезеңкезеңімен жаңартылады. Көліктегі бас мемлекеттік санитарлық дәрігердің 2020 жылғы 9 маусымдағы қаулысымен теміржол вокзалдарының ғимараттарына шығарып салушы азаматтарды жібермеу жөніндегі талап жойылды.
Сондай-ақ, жолаушылардың алдын ала тапсырысы бойынша жеткізу тәсілімен жолаушылар пойыздарында ішінара қоғамдық тамақтандыру объектілерінің қызметіне рұқсат етілді. Осыған байланысты Көліктегі Бас санитарлық дәрігер қаулысының талаптарын ескере отырып, вагонмейрамханалардың қызметін ұйымдастыру бойынша жұмыстар жүргізілуде.
Ұлттық тасымалдаушы жолаушыларға санитарлық-карантиндік талаптарды, 1 метрлік әлеуметтік қашықтықты, вокзал аумағында және пойыз ішінде маскалық режимді қатаң сақтауды сұрайды.