Өзіне-өзі қызмет көрсету автоматтары арқылы билеттерін комиссиясыз рәсімдеуден акция басталады

2020 жылдың 9 қарашасы мен 31 желтоқсаны аралығында өзіне-өзі қызмет көрсету автоматтары арқылы темір жол билеттерін комиссиясыз рәсімдеу бойынша акция басталады. 

 Бүгінде теміржол көлігіне билеттерді «Жолаушылар тасымалы» АҚ-ның 165 билет кассасынан, 3000 агенттік кассадан, оның ішінде пошта бөлімшелерінен, сауда нүктелерінен, сондай-ақ, «ҚТЖ» ҰК» АҚ-ның bilet.railways.kz сайтын қоса алғанда, 15 интернет-сайттан және де «ҚТЖ билеті» мобильді қосымшасы арқылы сатып алуға болады.

Бұдан басқа, теміржол билеттерін вокзалдарда және олардың аумағынан тыс жерлерде орнатылған 30 000 өзіне-өзі қызмет көрсету автоматтарынан сатып алуға болады. Осы ретте, ұлттық оператор алға тартқан мәліметтерге сүйенсек, Интернет және өзіне-өзі қызмет көрсету автоматтары арқылы алатын темір жол билеттерінің онлайн сату үлесі тұрақты өсу үрдісіндегі билеттің жалпы көлемінің 47%-ын құрап отыр. 

Еске сала кетсек, биыл теміржол билеттерін сату жүйесін жетілдіру аясында бірнеше жаңашылдық жүзеге асты. Мәселен, мүгедектігі бар адамдарға bilet.railways.kz сайты арқылы жеңілдікке ие темір жол билеттерін сатып алу мүмкіндігі ұйымдастырылды.

Сайт «Каспий Банк» АҚ процессингімен толықтырылып және де билет кассаларында POS-терминал арқылы бұрын сатып алынған теміржол билеттерін қайтару кезінде жолаушы картасына ақша қаражатын автоматты түрде қайтару функциясы іске асырылды. Сондай-ақ, «ҚТЖ билеті» мобильді қосымшасында саусақ ізі – Touch ID және Pin-код арқылы пайдаланушыларды сәйкестендіру функциясы іске қосылды.