Алматы – Шу: Президенттік старт!
Жаңалықтар
09.12.2016, 11:44

«Нұрлы жол» бағдарламасы бойынша Алматы-1 – Шу теміржол желісінде екінші жол құрылысын жүргізген «Қазақстан темір жолы» ҰК» АҚ бірінші іске қосу кешенін аяқтады. Телекөпірде Елбасы телімде пойыздар қозғалысын бастауға пәрмен берді.
Индустрияландыру күні аясында өткен Жалпыхалықтық телекөпірде Назарбаев атқарылған жұмысты жоғары бағалады. Елбасы бүгінгі таңда, көліктік бағдарлардың ғаламдық бәсекелестігі жағдайында бұл өте маңызды екенін, шешуші көліктік торап болу үшін Қазақстанда бүгінде барлық қажетті инфрақұрылым қалыптасқанын жеткізді.
–«Нұрлы жол» бағдарламасы бойынша көліктік нысандар біз үшін өте маңызды. Алматы – Шу бағытындығы екінші жол телімде пойыздарды өткізуді екі есеге көбейтеді, біз бұл жобаны баяғыда көздедік, бірақ қаражат болмады. Бүгін, міне жүзеге асырдық! – деді Елбасы көпшілікті маңызды жобаның пайдалануға берілуімен құттықтап.
– «ҚТЖ – Жүк тасымалы» АҚ-ның «ЖТ Алматы бөлімшесі» филиалының директоры Съезбек Алишев Алматы-1 – Шу теміржол желісінде екінші жол құрылысының бірінші іске қосу кешенін аяқтағанын мәлім етті. Алматыдан Шуға дейін магистраль бойында екінші жол он учаскеде төселген, барлығы 54 км құрайды, су өткізетін құбырлар мен көпірлер сынды жасанды имараттар салынып, стрелка бұрмалары орнатылған, СОБ және байланыс құрылғылары, электр желілері жүргізілген. Құрылыс барысында негізінен қазақстандық материалдар пайдаланылғанын айта кеткен жөн.
–Ең алдымен, Ақтөбе рельсарқалық зауыты шығарған отандық өндірістен шыққан рельстер төселді. Сонымен қатар станциялық жолдар ұзындығын тиімді пайдаланып, өткізу қабілетін арттыруға мүмкіндік беретін ең соңғы үлгідегі стрелка бұрмалары орнатылды. Су жаңа, зауыттан шыққан шпалдар салынды, – деп мәлімет берді «ҚТЖ – Жүк тасымалы» АҚ вице-президенті Қайрат Сәуірбаев.
Құрылыс қысқа мерзім ішінде жүзеге асырылды. Теміржолшылар мен құрылысшылардың «бір жағадан бас, бір жеңнен қол шығарып» дегендей, асқан ұйымшылдықпен еңбектенуі арқасында жүзеге асқан құрылыс қарқынын алғашқы күннен бастап қадағалап келе жатқан ардагер теміржолшы Қалтай Сәмбетов телімде техникалық «толаскездер» пойыздар қозғалысынан бос кездерде өте сауатты жүргізілгенін, сонымен қатар қарқынды құрылыс жүріп жатқан жолда қозғалыс қауіпсіздігі қатаң сақталғанын айта кетті.
Ардагер талай жыл теміржолшылардың арманы болған маңызды жобаны жүзеге асыру Ел басшысы Нұрсұлтан Назарбаевтың темір жол көлігінің дамуына тұрақты көңіл бөліп, қолдау білдіріп отыруының арқасы деп бағалайтынын білдірді.
–Тәуелсіз Қазақстаныммен, мемлекет үшін маңызды темір жол көлігіне ұдайы қолдау жасап келе жатқан Ұлт көшбасшысы, Президентіммен мақтанамын. Қазақстанның темір жолы бүгінде аса қуатты, әлемдік көліктік кешеннің алғашқы ондығына кіреді. Бізді әлем таниды және мойындайды, себебі Қазақстан шығысты бастыспен, солтүстікті оңтүстікпен байланыстыратын қуатты көлік дәлізі болып табылады, – деп қуанышымен бөлісті Қалтай Сәмбетұлы.
Салтанатты шараға қатысушылар бірауыздан бағзы заманда осы жерден өткен Ұлы Жібек жолы болат жолдар болып қайта жаңғырғанын мойындады. Және бұл темір табанды болат жолдар заман ағымына сай ұдайы жаңғырып, жаңарып, қуаттылығын арттыра түсуде. Міне, бүгін жүк тасымалының артуына байланысты екінші жол салу қажеттілігі туындап отыр. Шығыстан Еуропа мен Азияға қазақстандық темір жол өткелдері – Алтынкөл және Достық шекаралық станциялары арқылы транзиттік жүктер легі жылдан жылға толассыз ағылып келеді. Контейнерлік пойыздар Германия, Австрия, Испания, Орта Азия, Иран, әрі қарай Парсы шығанағы бағдарымен сапар шегуде.
– Алматы – Шу телімінде жүк және жолаушы тасымалының қозғалысы аса қарқынды. Бір жол көп жағдайда қолайсыздық тудыратын. Енді екінші жолдың пайдалануға берілуімен телімде жүк айналысы 3 есеге дейін артып, соған сай жолдағы уақыт та қысқарады, екі жолда қатар қозғалыс ұйымдастырылады. Жолаушы пойыздарында да солай, екі жолда қатар жүретін болады. «Тальго» пойызының максимальды жылдамдығы 160 км/сағ дейін өссе, жүк пойыздарының жылдамдығы 120 км/сағ дейін артатын болады, – деген Алматы бөлімшесінің бастығы С. Әлішевтің пікірімен жамбылдық әріптесі – «ҚТЖ – Жүк тасымалы» АҚ-ның «ЖК Жамбыл бөлімшесі» филиалының бастығы Берік Ақшалов та қостады.
Екінші жол құрылысымен жол бойындағы жекелеген жол айырықтары қосымша даму мүмкіндігіне ие болмақ. Атап айтқанда, Қазыбек-бек болашақта өте маңызды станцияға айналмақ, Жетіген – Қазыбек-бек айналма жолының жобалық-сметалық құжаты да дайын көрінеді. Бүгінгі құрылыс болашақта осы даму мүмкіндігін ескерген.
Айта кетейік, Алматы – Шу теліміндегі құрылыс жұмыстары жалғасуда. Бас мердігерлер «Компания Жол жөндеуші» ЖШС мен «Теміржол жөндеу» ЖШС жұмысты бір күн де тоқтатпақ емес.
–Бүгіннен бастап екінші пайдалануға беру кешені бойынша нысандар құрылысын бастаймыз. Жаңа жолмен қозғалыс жүре береді, ал біздің жұмыс бір сәт те тоқтамайды, – деп сендірді «ҚТЖ» ҰК» АҚ күрделі жобаларды жүзеге асыру дирекциясының Алматы-1 – Шу телімінде екінші жол құрылысы бойынша басқарма бастығы Рүстем Молдағұлов.
Жаңа жолдың барқыттай жұмсақ та жайлылығы мен құрылысшылар жұмысының бағасын алғашқы жүрдек пойыздың машинистері мен жолаушылары да берді. Елбасы пәрменімен ашылған Алматы – Шу телімінің екінші жолымен алғаш сапарға шыққан жүрдек пойыз – талайдан айтылып жүрген, отандық өндірісте жасалған кең шанақты «Тұлпар-Тальго» вагондарынан құралған жүрдек пойыз болды. 14 жылдан бері Алматы локомотив пайдалану депосының жоғары класты тәжірибелі машинисі Әсет Құсайынов ерекше вагондардан құралған ерекше пойызды су жаңа жолмен алып жүретініне аса бақытты екенін бал-бұл жанған қуанышты жүзінен байқауға болатын еді.
– Жаңа жол барқыттай жұмсақ, ал онымен жүретін пойыздардың жүрісі қауырсындай жеңіл болсын! – деп тілек тіледі жаңа жолмен Алматыдан Астанаға жол тартқан жүрдек пойызды шығарып салған көпшілік.
Ирина Бектиярова,
Алматы-Шу
Жаңалықтар
11.07.2025
ҚТЖ басшылығы туризмді дамыту мәселелері бойынша көшпелі кеңес өткізді
Жолаушылар тасымалы
11.07.2025
ҚТЖ Астана – Бурабай бағдары бойынша «Burabay Express» жаңа электрпойызын іске қосты
ҚТЖ келбеті
11.07.2025
Мақаттың мақтанышы
Әлеумет
11.07.2025
Астанада кәсіподақтың VI есептік сайлау конференциясы өтті
Жаңалықтар
11.07.2025
Теміржол жөндеуде заманауи техника қолданылуда
Жаңалықтар / Мұрағат
11.07.2025
Қазақстан теміржолшысы газеті, №52 11 шілде 2025 жыл
Жаңалықтар
10.07.2025
ҚТЖ: Қытайдағы негізгі серіктестермен бірқатар уағдаластықтарға қол жеткізілді
Спорт
10.07.2025
Щучинск қаласындағы республикалық спартакиадаға 250 теміржолшы қатысуда
Жаңалықтар
10.07.2025
KTZ Express ЕО елдеріне экспорттық мультимодальды тасымалды ұйымдастырды
Жаңалықтар
10.07.2025
Транскаспий дәлізі: Қазақстанның көлік және цифрлық инфрақұрылымдағы жаңа бағыты
Жолаушылар тасымалы
10.07.2025
Жолаушы мен жолсерік қуанышы (Видео)
Аймақтар
09.07.2025
Арыстағы біліктілік сайысы: вагон қараушылар шеберлігін сынады
Жаңалықтар
09.07.2025
«ИННОПРОМ–2025» халықаралық көрмесінде ЗИКСТО-ның болашағы талқыланды
Жолаушылар тасымалы
09.07.2025
ҚТЖ «Jibek Joly 5.0» туристік пойызының жаңа маусымын іске қосады
Жаңалықтар
09.07.2025
Кірме жолдардағы қозғалыс қауіпсіздігіне бақылау күшейтілді
Жаңалықтар
09.07.2025
ҚТЖ мен Қытай темір жолдары стратегиялық ынтымақтастық туралы жаңа келісімге қол қойды
Қауіпсіздік
09.07.2025
Жамбыл өңірінде пойыз қозғалысы қауіпсіздігіне қатысты 8 заңбұзушылық анықталды
Әлемде
09.07.2025
Иран мен Ауғанстан Хаф – Герат теміржол жобасын тез арада аяқтауға ниетті
Жаңалықтар
08.07.2025
ҚТЖ басшылығы Бейжіңде өткен ХТЖО-ның XII конгресінде бірқатар стратегиялық кездесулер өткізді
Қауіпсіздік
08.07.2025
Қарағанды – Ағадыр бағытында машинист шұғыл тежегіш қолдануға мәжбүр болды