Жыл соңына қарай 4 бөлімше арқылы жүретін пойыздар бір орталықтан басқарылады
«Қазақстан теміржолшысы» газетінің тілшісі
«ҚТЖ» ҰК» АҚ «Цифрлық трансформациялау» бағдарламасына енген жобалар қатарында «Пойыздар қозғалысын басқару орталығы» бар. Бұл жобаның іс-шараларын жүзеге асыру барысында биылғы екінші жартыжылдықта 27 жекелеген пунктте, яғни 3 диспетчерлік топқа АСДС МП микропроцессорлық диспетчерлік орталықтандыруды енгізу қарастырылған. Сонымен қатар Оңтүстік-Шығыс өңірінің Пойыздар қозғалысын және инфрақұрылымын басқару орталығын ұйымдастыру жоспарланып отыр. Яғни, бұл орталық Алматы қаласынан 4 бөлімшенің – Шымкент, Жамбыл, Алматы, Семей бөлімшелерінің шекараларында бір жерден пойыздар қозғалысын басқаруға мүмкіндік бермек. Атап өтерлігі, аталған жобаның 2018-2021 жылдар кезеңінде іс-шараларын іске асыру шеңберінде 26 диспетчерлік шеңбердегі 285 жекелеген пунктіне микропроцессорлық диспетчерлік орталықтандыруды енгізген болатын. Бұл өз кезегінде, пойыздық диспетчермен жекелеген пункттерді орталықтандырылған басқарылымын қамтамасыз етуге және пойыздық жағдайды автоматты режимде үздіксіз бақылауға (учаскелердің бос немесе бос болмауы, бағыттамалардың жағдайы, берілген маршруттың бар болуы және тағы басқаларын) мүмкіндік берді.