Нұр-Сұлтан мен Арқалық арасына Тальго пойыздары жүретін болды

Сұлугүл Бакесова

«Қазақстан теміржолшысы» газетінің тілшісі

Тәуелсіздіктің 30 жылдығы қарсаңында елорданың «Нұрлы жол» темір жол вокзалынан Арқалық қаласына Тальго вагондарынан тұратын жолаушылар пойызы алғашқы сапарына аттанды, деп хабарлайды Rail-news.kz.

– 2021 жылдың 12 желтоқсанынан жолаушылар пойыздарының паркі қысқы қозғалыс кестесіне көшті. Барлығы 118 жолаушы пойызының 95-і «Жолау- шылар тасымалы» АҚ-на қарасты болса, қалған 23-і жекеменшік тасымалдаушылар құзырында. Қысқы қозғалыс кестесіне көшу – жыл сайын болатын қалыпты құбылыс және бұл кесте жолаушыларға ыңғайлы және қауіпсіз болу жайттарын ескере отырып жасалған. Бүгін халықтың өтініш-сұранысы бойынша бірінші рет Арқалыққа Тальго пойызы жолға шығып отыр, – деген «Жолаушылар тасымалы» АҚ-ның Жылжымалы құрамды басқару департаментінің директоры Берік Қойшығұлов қажетті ақпаратты «105» анықтама номері арқылы немесе bilet.railways.kz сайты арқылы алуға болатынын жеткізді.

Ал екінші Тальго пойызы «Алматы-2-Маңғыстау» бағытында іске қосылып отыр. Екі құрамнан тұратын және жұп күндері жүретін №111 пойыздың жолда жүру уақыты 41 сағат 49 минутты құрайды. Арқалыққа қатынайтын №603/604 пойызда 348 орын бар, алғашқы рейстің өзінде жолаушылардың қамтылуы 60%-дан асқан. Пойызда Турист, Бизнес және Грант дәрежесіндегі орындар, вагон-мейрамхана және вагон-буфет бар. Жолаушылар жол үстінде уақытты қысқарту үшін мультимедиялық порталды пайдаланып, гаджеттері арқылы ойындар ойнап, кино көріп немесе ән-әуен тыңдай алады. Пойыздың жолға кететін уақы- ты 12 сағат 49 минутты құрап, әдеттегі қарапайым пойыздан 30 минутқа ерте баратын болып отыр.

«Бұл субсидиялық маршрут болғандықтан уақытты қысқарта қойған жоқпыз. Алдағы уақытта аялдау тұрақтарын азайтып, уақытты қысқарту жоспарда бар. Бірақ, бұл – көктемге қарай іске асатын дүние» деп түсіндірді аз ғана айырмашылықтың себебін Берік Қойшығұлов.

Теміржол вокзалының 6-шы жолына келіп тоқтаған пойыз- дың жолаушыларымен тілдесіп, ой-пікірін білуге перронға шықтық. – Мен Арқалық қаласының тұрғынымын. Біздің өңірге Тальго вагондарынан жасақталған пойыз- дың шыққанына қуаныштымын. Вагон-мейрамханасы бар екен. Іссапармен жүріп, тамақ-сусыз шыққан адамдарға ыстық тамақ ішу мүмкіндігі бар. Бір ғана базына, ол уақыттың қысқармай отырғаны. Келешекте бұл мәселе шешімін тауып жатса, нұр үстіне нұр болар еді, – дейді Мұсадин Қоянбаев есімді азамат. Ирина есімді екінші жолаушымыздың да айтар назы бар екен.

– Әрине, жайлы да жаңа вагондар, мәдениетті жолсеріктер – бәрі жақсы. Бірақ, билеттің қымбаттығы халықтың қалтасына оңай тимесі анық. Билет құны 5500 теңге шамасында, алайда, пойыздың уақытында өзгеріс жоқ, – дейді ол.

Пойыз бастығы Бағлан Бекмырзаев Тәуелсіздік мерекесі қарсаңында Тальго пойызының жаңа бағдарымен жолға шығып отырғанына бүкіл бригада қуанышты екенін жеткізді.

«Бұл пойызда жолаушыларға екі бригада қызмет көрсетеді. Пойыз керек-жарақтың бәрімен толық қамтылған. Тальго пойызы жолаушылар көңілінен шығады деген үміттеміз», – деді ол.

Кесте бойынша 20.45-те орнынан қозғалған пойыз Арқалыққа аттанып кетті. Сапарың сәтті болсын, жолаушы пойызы!

Жүк тасымалы
17.05.2024
Транскаспий дәлізі арқылы теңіз порттарында жүктерді ауыстырып тиеу көлемі артты
Спорт
17.05.2024
Маңғыстау темір жолының 60 жылдығына орай шағын футболдан жарыс өтті
Қауіпсіздік
17.05.2024
Тілсіз жаудан сақтануда тәжірибе маңызды
Жүк тасымалы / Инфографика
17.05.2024
Биыл 4 айда теміржол көлігімен 81 млн тоннадан астам жүк тасымалданды
Қауіпсіздік
17.05.2024
Жолаушылар эвакуацияланды
Жаңалықтар
17.05.2024
Мектеп түлектері ҚТЖ мүмкіндіктерімен танысты
Қауіпсіздік
17.05.2024
Жол картасы: қауіпсіздік деңгейі артуда
Жаңалықтар / Мұрағат
17.05.2024
«Қазақстан теміржолшысы» газеті, №42 17 мамыр 2024 жыл
Жаңалықтар
16.05.2024
Қазақстан мен Латвия Транскаспий дәлізін дамыту туралы меморандумға қол қойды
Жолаушылар тасымалы
16.05.2024
ҚТЖ жазда 4,2 млн-нан астам жолаушыны тасымалдамақ
Жаңалықтар
16.05.2024
Қазақстанның iшкi су жолдарында жүк кемелері жүре бастады
Жаңалықтар
16.05.2024
Қазақстаннан Үрімшіге алғашқы жүк көліктері жөнелтілді
Спорт
16.05.2024
Үздік ойыншылар анықталды
Цифрландыру
16.05.2024
Теміржол көлігін цифрландыру мәселесі сөз болды
Спорт
16.05.2024
Ақтөбеде теміржолшылар арасында жеңіл атлетикадан жарыс өтті
Инфрақұрылым
15.05.2024
«Достық-Мойынты» желісінің құрылысы қалай жүріп жатыр?
Темір жол тарихы
15.05.2024
Қазақ теміржолының тарихы жайлы бейнематериалдар сериясы шығады
Спорт
15.05.2024
Үш бірдей жүлдеге ие болды
Жаңалықтар
15.05.2024
Темір жолда қоғамдық тәртіпті сақтау және тасымалдау процесінің қауіпсіздігі жөніндегі шаралар күшейтілді
Аймақтар
15.05.2024
Арыста ауқымды жұмыс атқарылды