Alstom компаниясы TGV пойыздарының жаңа буынын шығаруға кірісті
Alstom компаниясы мен Францияның ұлттық темір жол қауымдастығы (SNCF) TGV M сериялық пойыздарын құрастыру желісін салтанатты түрде іске қосты, деп хабарлайды Rail-news.kz.
Салтанатты шара барысында осы пойыздың моторлы және екі қабатты тіркеме вагондары көпшілікке таныстырылды. Жүрдек пойыздың жаңа буыны 2024 жылы пайдалануға беріледі деп жоспарланып отыр.
Францияның ұлттық темір жол қауымдастығы TGV M бойынша 115 экспресске тапсырыс берген, оның ішінде өзге елдерге қатынайтын 15 көпжүйелі пойыз бар. Олар INOUI ижәне OUIGO брендімен қатынайтын болады.
Пойыздың жоғары сыйымдылығы - 740 орын, бұған дейінгі сериясында 634 орын қарастырылған. Оның үстіне пойыздардың жоғары энергия тиімділігі көмірқышқыл газы шығарындыларын 32%-ға азайтады.
Alstom жаңа өндіріс желісін құруға шамамен 50 миллион еуро инвестиция салған. TGV M пойыздарын шығарумен Alstom компаниясының Франциядағы 10 зауыты айналысады