Алматы-Қонаев бағытында алғашқы пойыз жолға шықты
Алматы-Қонаев қала арасында пойыз жүре бастады. Қонаев қаласы Алматы облысы орталығы болып жарияланған күннен бастап екі қала арасында жүргіншілер саны артқан еді.
Таңғы алтыдан Қонаев қаласынан шыққан пойыз Алматы қаласына сегізде жетеді. Жолда «Жетіген», «Байсерке», «Қайрат» станцияларына 5 минуттан аялдап, «1 Алматы вокзалына» келеді. Ал Алматы қаласынан таңғы сағат жетіде шыққан поезд дәл сол маршрутпен Қонаев қаласына сағат сегізде жетеді. 11 желтоқсаннан бастап қосымша пойыздар шығып, бағытын «2 Алматы вокзалына» дейін жүргізу жоспарда тұр.
Бағасы төрт жүз теңге, ал жақын станцияларға сәл арзанырақ, «Жолаушылар тасымалы» компаниясы енді билеттерді Қонаев стансасындағы кассадан және қосымшадан сатып алса, құны бұдан да арзан болатынын айтады.
Бұл бағытты қаржыландыру осы жылдың соңына дейін Ұлттық тасымалдаушы есебінен жүзеге асырылады. Қазіргі уақытта Индустрия және инфрақұрылымдық даму министрлігімен және Алматы облысының әкімдігімен бірлесе отырып, аталған бағытта тасымалдаушының шығындарын субсидиялау бойынша 2023 жылға тендер өткізу жұмыстары жүргізілуде.