«Қонаев-Алматы» қаламаңы пойызының маршруты ұзаратын болды

«Жолаушылар тасымалы» АҚ осы жылдың 11 желтоқсанынан бастап «Қонаев – Алматы-1» қатынасындағы №6907/6906 қаламаңы пойызының маршруты Алматы-2 станциясына дейін ұзартылатынын хабарлады.  

Құрам күнде жүреді. Қонаевтан сағат 05.27-де жөнелтіледі, ал Алматы-2 станциясынан сағат 18.40-та шығады. Жол жүру уақыты 1 сағат 50 минут.

Жол жүру құжаттарын (билеттерді) BILET.RAILWAYS.KZ сайты, «ҚТЖ билеттері» мобильді қосымшасы арқылы онлайн немесе теміржол вокзалдарында орналасқан «Жолаушылар тасымалы» АҚ билет кассаларында сатып алуға болады.  

Осы бағыт бойынша қаржыландыру жыл соңына дейін Ұлттық тасымалдаушының есебінен жүзеге асырылады. Қазіргі уақытта ҚР Индустрия және инфрақұрылымдық даму министрлігімен және Алматы облысы әкімдігімен бірлесіп, осы бағыт бойынша тасымалдаушының шығыстарын субсидиялау бойынша 2023 жылға арналған тендер өткізуге қатысты жұмыс жүргізілуде.