Жолсеріктер эко-челлендж ұйымдастырды
«Қазақстан теміржолшысы» газетінің тілшісі
Жақында «Жолаушылар тасымалы» АҚ «Экспресс» филиалының жолсеріктері Алматы маңында эко-челлендж ұйымдастырды.
Атап айтқанда, «Алматы-2 – Петропавл» бағытындағы пойыздың бастығы Сәуле Қыдырәлиеваның бастамасымен бір топ жолсеріктер Алматы маңындағы Аюсай шатқалында қоқыс жинап, демалушыларды табиғатты таза ұстап, аялауға шақырды. Жолсеріктер бұдан бұрын бірнеше мәрте «Сосновый бор Алматы» эко-паркінде шыршалар отырғызуға белсенді қатысқан болатын.
– Бүгін міне филиалдағы 28 жолсерік экочелленджге қатысып, қайырымды істің ұйытқысы болуда. Айта кету керек, 2021 жылы Мемлекет басшысы ҚасымЖомарт Тоқаев саябаққа тал егіп, қала тұрғындары мен қонақтары қауіпсіз де жайлы демалуы үшін қоршаған ортаны таза ұстауға шақырған еді. Мұндай жұмыстар әлі де жалғаса беретініне сенім білдіремін, – деді пойыз бастығы.
Алматылық жолсеріктер қоршаған орта тазалығы үшін осындай бастама көтеріп, оны өңірдегі әріптестері жалғастырып әкетеріне сенімді.