Егер сізге пойыз билетін сатып алу қажет, алайда орын жоқ болса ше? ҚТЖ «Күту парағы» қызметін ұсынады

2023 жылдың 10 айында 157 мыңнан астам жолаушы bilet.railways.kz. сайтындағы «Күту парағы» сервисі арқасында теміржол билеттерін сатып алды. Осы қызмет бойынша барлығы 453 мыңнан астам бос орын ұсынылды.

«Күту парағы» қызметі бос орын пайда болған жағдайда жолаушыға еркін сатылымда билет болмаған кезде оны сатып алу кезегіне тұруға мүмкіндік береді. Мұны тек 7 күннен ерте емес және пойыз жөнелтілгенге дейін 2 сағаттан кешіктірмей жасауға болады. Бос орынның болуы мен билетті сатып алу қажеттілігі туралы хабарламаны жолаушы жеке кабинетінде, сондай-ақ СМС-хабарлама арқылы алады.  

bilet.railways.kz. сайтының жеке кабинетінде «Күту парағына» кезекке тұру керек. Сондай-ақ бұл қызметті билет кассасында тегін пайдалануға болады.

«Жолаушылар тасымалы» АҚ жолаушылардан өз сапарларын алдын ала жоспарлауды және пойыз билеттерін, әсіресе оларға үлкен сұраныс кезеңінде емес (мереке және демалыс күндері), басқа кезде  сатып алуды сұрайды.

Сонымен қатар, жолаушылардың ыңғайлылығы үшін 10 желтоқсаннан бастап пойыздар қозғалысының «пакеттік» кестесі басталады. Астанадан Алматы мен Шымкентке дейінгі 4 Тальго пойызы кешкі уақытта 20 минут аралықпен жөнелтілетін болады. Бұл шара жолаушыларға ыңғайлы кесте ұсынуға мүмкіндік береді, жаңа маршруттар ұйымдастырылады және жылжымалы құрам қайта бөлінеді.

Жолаушылар пойыздарының қозғалыс кестесі бойынша анықтамалық ақпаратты «1433» тегін нөмірі және «KTZH_PP_BOT» Телеграмм боты арқылы алуға болады.