ҚТЖ пойыздарында Ораза ұстаған жолаушыларға құрма мен су таратылды
![](https://rail-news.kz/uploads/2024/03/12/4kiqgrnQBGwjQlTnHZiuUsBOo8ewRkBrWVtBEH4Q.jpg)
Кеше Ұлттық тасымалдаушының пойыздарында жолаушылар үшін Оразаның алғашқы күні жайлы өтті. Пойыз жолсеріктері жолаушыларды жылы қарсы алып, оларға құрма мен су таратты, деп хабарлайды Rail-news.kz.
Бұл акция «Жолаушылар тасымалы» АҚ барлық пойыздарында өткізілді.
Ұлттық тасымалдаушы Рамазан айында жолаушыларға бір-біріне түсіністікпен қарап, ашуланбауды, отырған орында тазалықты сақтауды, сондай-ақ, денсаулыққа мұқият қарауды ұсынады. Ораза ұстаған жандарға саяхат кезінде әлсіздік сезінбеу үшін сапар алдында дәрігерге қарануға кеңес беріледі.
Сонымен қатар, Рамазан айында пойыздардағы вагон-мейрамханалар арнайы жұмыс кестесіне ауысады.
![](https://rail-news.kz/uploads/attachments/whatsapp-image-2024-03-13-at-112705-1-65f139b107ebc.jpg)
Вагон-мейрамханалар күнделікті 8:00-ден 24:00-ге дейін жұмыс істейді. Ораза тұтқан жандарға ыңғайлы болу үшін мейрамханалар сәресі уақытында таңғы сағат 03:30-дан 05:00-ге дейін ашық болады.
Вагон-мейрамханаларда жолаушыларға су мен құрма тегін беріледі.
«Жолаушылар тасымалы» АҚ барлық мұсылмандарды қасиетті Рамазан айының басталуымен шын жүректен құттықтайды! Ұстаған Оразаларыңыз бен ниеттеріңіз қабыл болсын!