Қызылордадан алғаш рет Алакөлге тікелей пойыз қатынайды
Теміржол көлігі еліміздің туризм саласын дамытуда шешуші рөль атқарады. Танымал туристік бағыттардың бірі - Алакөл көліне биыл Астана, Алматы, Шығыс Қазақстан және Абай облыстарынан, сондай-ақ, алғаш рет Қызылордан 12 бағыт бойынша пойыздар қатынайды. Бұл туралы «Жолаушылар тасымалы» АҚ-ның басқарма төрағасы Жәнібек Тайжанов бүгін өткен брифингте айтты.
Оның айтуынша, жаз мезгілінде туристер ағылатын Алакөлге биыл 10 бағыт бойынша «Жолаушылар тасымалы» АҚ пойыздары, екі бағыт бойынша - жеке тасымалдаушылар құрамы жүреді.
«Пойыздарда ұсынылған орындардың саны өткен жылмен салыстырғанда 16 мыңға өсіп, туристік маусымда жолаушылардың ыңғайлылығын қамтамасыз ету үшін 270 мың орынды құрайды. Ұлттық тасымалдаушы өз пойыздарын ауаны баптау жүйесімен жабдықталған вагондардан қалыптастыратын болады», – деді басқарма төрағасы.
«Жолаушылар тасымалы» АҚ-ның мынандай бағыттарымен Алакөлге тікелей жетуге болады:
– № 254/253 «Астана-Достық»;
- №207/208, №221/222, №211/212 «Алматы-2-Достық»;
- №457/458 «Семей-Достық»;
- №459/460 «Өскемен-Достық»;
- №21/22, № 6942/6941 «Алматы-Достық»;
- №21/22, №6942/6941 «Қызылорда-Достық».
Жеке тасымалдаушылардың маршруттары:
- №337/338 «Алматы-2-Достық» - «Vagon Service Alliance» ЖШС;
- №122/121, №6942/6941 «Астана-Достық» - «АрайТранс КЗ» ЖШС.
Алакөл бағытындағы пойыздар туристер арасында танымал Жалаңашкөл, Ақши және Бескөл станцияларында тоқтайды. Онда жолаушылардың жайлылығы мен қауіпсіздігін қамтамасыз ету үшін қажетті жағдайлар жасалған: перрондар ұлғайтылды, күту залдары мен кассалар жөнделді. Жолаушыларға ыңғайлы болу үшін станцияларда кассирлердің ауысымдық жұмысы ұйымдастырылды.
2024 жылдың жаз айларында Ұлттық тасымалдаушының пойыздарымен 4,2 млн-нан астам жолаушыны тасымалдау жоспарланып жатыр. Теміржол көлігі еліміздің туризм саласын дамытуда шешуші рөль атқарады. Танымал туристік бағыттардың бірі - Алакөл көліне биыл Астана, Алматы, Шығыс Қазақстан және Абай облыстарынан, сондай-ақ, алғаш рет Қызылордан 12 бағыт бойынша пойыздар қатынайды. 10 бағыт бойынша «Жолаушылар тасымалы» АҚ пойыздары, екі бағыт бойынша - жеке тасымалдаушылар құрамы жүретін болады. Пойыздарда ұсынылған орындардың саны өткен жылмен салыстырғанда 16 мыңға өсіп, туристік маусымда жолаушылардың ыңғайлылығын қамтамасыз ету үшін 270 мың орынды құрайды. Ұлттық тасымалдаушы өз пойыздарын ауаны баптау жүйесімен жабдықталған вагондардан қалыптастыратын болады.