Шалқарға қосымша пойыз шықты

Суреттерді түсірген автор
Ардақ Ерубаева

Ақтөбе облысы бойынша меншікті тілші

Республика күні қарсаңында «Қазақстан темір жолы» ҰК» АҚ қосымша төрт пойызды іске қосты. Соның бірі – №630/629 «Ақтөбе-Шалқар» пойызы. Енді бұл бағыт бойынша 22 қазаннан бастап күнара тасымал қызметі ұйымдастырылады.

№630/629 «Ақтөбе-Шалқар» қатынасындағы коммерциялық жолаушылар пойызы 6 вагоннан тұрады. Оның ішінде 3 купе және 3 плацкарт вагондары бар. Жол жүру билетінің бағасы купе вагоны үшін – 5800 теңге, ал плацкарт вагоны үшін – 4000 теңге. Жолаушылар билет құнына шағым айтпады. Керісінше, бұл бағытқа тез билет табылғанына, вагонның тазалығына, қызмет көрсету сапасының жоғарылай түскенін жарыса айтып жатты. Расында «Жолаушылар тасымалы» АҚ соңғы жылдары сервистік қызмет сапасын арттыруға күш салуда.  

«Шалқарға пойыз шыққанын естіп, қуанып билет алдық. Бірінші рет қиындықсыз. Себебі осыған дейін алдын ала қамдансақ та билет табу қиын еді. Кірген бойда тазалығы жарқ ете қалды. Таза, жаңа вагондар мерекелік көңіл күй сыйлап тұр. Алғысымыз шексіз», – дейді жолаушы Қанымкүл Әлімбай.  

№630/629 коммерциялық пойызда Шалқарға дейін – 25 аялдама, ал №6992/6991 қала маңындағы пойызда Шалқарға дейін 30 аялдама бар. Жолаушы тасымалын ұйымдастырушылар алдағы уақытта қосымша вагон қосу мүмкіндігі де қарастырылатынын атап өтті.  

«22 қазан күні кешкілік «Ақтөбе-Шалқар» бағытына құрамында үш купе, үш плацкарт вагоны бар пойыз жіберілді. Жолсеріктердің саны 10 адам. Шалқарлықтар ризашылықтарын айтып, алғысын жаудырып жатыр. Бұл пойыздың Ақтөбеден жөнелтілу уақыты сағат 22:00 болса, Шалқардан шығатын уақыты 23:30. Әлі де сұраныс болып жатса, қосымша вагондар қосамыз», – деді «Жолаушылар тасымалы» АҚ Батыс аймақтық филиалының Ақтөбе телімі бойынша басшысы Нұрбек Қуатов.  

«Сарыарқа-компани» ЖШС 2016 жылдан бері «Ақтөбе-Шалқар» әлеуметтік маңызы бар ауданаралық қатынас бойынша теміржол жолаушылар тасымалын жүзеге асырып келеді. №6991/6992 «Ақтөбе-Шалқар» қатынасындағы қала маңындағы пойыз 7 вагоннан: оның ішінде жұмыс күндері 3 плацкарт және 3 жалпы вагон, демалыс және мереке күндері 3 плацкарт және 4 жалпы вагоннан тұрады. Жүру жиілігі – аптаның 1,3,5,6,7 күндері. Ақтөбе мен Шалқар арасын жалғайтын пойыздың жол жүру бағасы – 2135 теңгені, жалпы вагонда 883 теңгені құрайды.  

№204 пойызы «Астана-Шымкент» бағыты бойынша 2024 жылғы 21 қазаннан бастап күнделікті қатынайды.  

№216 пойызы «Шымкент-Алматы» бағыты бойынша 2024 жылғы 22 қазаннан бастап күнделікті қатынайды.  

№201 пойызы «Алматы-Астана» бағыты бойынша 2024 жылғы 23 қазаннан бастап күнделікті қатынайды. Пойыз құрамында купе және плацкарт вагондары да болады. 25 және 27 қазанда «Қарағанды-Астана» бағытындағы электр пойызының бағыты Бурабай курорты станциясына дейін ұзартылады.  

 

Жаңалықтар
31.03.2025
Транскаспий дәлізіне Словенияның «Лука Копер» теңіз порты қатысады
Қауіпсіздік
31.03.2025
Өрт сөндіру пойызы дайындықтарын шыңдады
Жаңалықтар
31.03.2025
Аягөз қалпына келтіру пойызы үшін жаңа кран сатып алынды
Аймақтар
31.03.2025
Экология айлығы аясында сенбілік өтті
ҚТЖ келбеті
31.03.2025
Тыл ардагері – тоқсан жаста
Жүк тасымалы / Апта саны
31.03.2025
Теміржолмен жүк тасымалдау екі айда 6,6%-ға өсті
Әлеумет
31.03.2025
ҚТЖ әлеуетті жұмыс беруші
Аймақтар
31.03.2025
Еңбек адамына құрмет
Әлемде
30.03.2025
«Молдова темір жолын» екі компанияға бөлу ұсынылды
Жүк тасымалы
29.03.2025
ҚТЖ-да жүк жөнелтушілермен тасымалдау қорытындылары талқыланды
Жаңалықтар
28.03.2025
Қазақстан мен Өзбекстан теміржолшылары транзитті ұлғайту мәселелерін талқылады
Жүк тасымалы
28.03.2025
ҚТЖ-да астық штабының отырысы өтті
Жолаушылар тасымалы
28.03.2025
ҚТЖ мен iKOMEK109 бірлесіп байланыс орталықтарын жетілдіреді
Қауіпсіздік
28.03.2025
Оқушыларға қауіпсіздік мәселесі түсіндірілді
Қауіпсіздік
28.03.2025
Қауіпсіздік шаралары басты назарда
Трансформация
28.03.2025
Премьер-министр вагон жасау зауытымен танысты
Жаңалықтар / Мұрағат
28.03.2025
«Қазақстан теміржолшысы» газеті, №22-23 28 наурыз 2025 жыл
Жаңалықтар
27.03.2025
Астанада өрт-тактикалық оқу-жаттығулары өткізілді
Аймақтар
27.03.2025
Алматы өңірінде су тасқыны кезеңінде қауіпсіздікті қамтамасыз ету бойынша шаралар қабылданды
Аймақтар
27.03.2025
«Jibek Joly» туристік пойызы – Таразда