Ұлттық тасымалдаушы «Нұрлы жол» вокзалында жайлылығы жоғары аймағын ашты

Ұлттық тасымалдаушы «Нұрлы жол» теміржол вокзалында жолаушыларға арналған жаңа жайлылық аймағын ашты. Бұл жоба «Қазақстан темір жолы» ҰК» АҚ-ның филиалы – «Магистральдық желі дирекциясы» және «Нұрлы жол» вокзалының қолдауымен жүзеге асырылды, деп хабарлайды Rail-news.kz.

Жаңа лаундж-аймақ жолаушыларға пойызды күту уақытын барынша ыңғайлы өткізуге жағдай жасайды. Мұнда қонақтар тынығып, сапар алдында қажетті қызметтерді қолайлы түрде пайдалана алады. Аймаққа кіру құны 2500 теңге, ал болу уақыты шектеусіз.

Аймақтың сыйымдылығы бір уақытта 20-25 адамды құрайды. Қонақтар үшін тегін шай, кофе, тіскебасар, гаджеттерді қуаттауға арналған пауэрбанктер, жоғары жылдамдықты Wi-Fi және шағын кітапхана қарастырылған. Сондай-ақ, жолаушылардың ыңғайы үшін жеке әжетхана бөлмесе қолжетімді.

Лаундж-аймақта пойыздардың келу және жөнелтілу уақытын бақылауға арналған арнайы табло орнатылған, бұл жолаушыларға өз сапар уақытын қадағалауға мүмкіндік береді.

Отбасылар үшін арнайы балалар ойын алаңы қарастырылған, онда кішкентайлар уақыттарын көңілді әрі пайдалы өткізе алады. Сонымен қатар, аймаққа кіру құнына багажды сақтау қызметі де қосылған.

Айта кетейік, «Нұрлы жол» вокзалы күн сайын шамамен 7 мың жолаушыға қызмет көрсетеді. Жаңа лаундж-аймақ барлық жолаушылар санатына қолайлы жағдай жасап, пойыз күту уақытын барынша жайлы әрі жағымды етуге арналған.

Ұлттық тасымалдаушы жолаушыларға жайлылық аймағының барлық мүмкіндіктерін пайдалану үшін вокзалға алдын ала келуге кеңес береді.