Пойыз жолсерігі мен жас өнерпаздар «Адай» күйін орындады
№25/26 «Шымкент-Алматы» пойызының жолаушылары ерекше музыкалық сәттің куәсі болды. Пойыз жолсерігі домбыраны қолға алып, «Қарақат» студиясының тәрбиеленушілерімен бірге аңызға айналған «Адай» күйін орындады, деп хабарлайды Rail-news.kz.
Музыкалық өнерге жақын жас жолаушылардың қатарында «Қарақат» студиясының талантты шәкірттері болды. Олар Алматыда өтетін беделді «JorgaFest» байқауына қатысуға жол тартқан еді. Бұл фестиваль еліміздің түкпір-түкпірінен жиналған үздік орындаушыларды біріктіретін маңызды шара.
Жолсерік бала кезінен домбырамен күй шертіп, бұл өнерді өз әулетіндегі үлкендерден үйренген. Домбыра – оның жанына жақын, ата-бабадан мирас болған қастерлі мұра. Ұлттық өнерге қызығушылық танытқан жас жолаушылардың күй орындау шеберлігін көріп, музыка дәстүрінің жалғасып жатқанына ол ерекше қуанғанын жеткізді.
Теміржол – тек жолаушыларды діттеген жеріне жеткізетін көлік қана емес, сонымен қатар танысып, демалып, еркін әңгіме құруға мүмкіндік беретін ерекше орта.