ҚТЖ ата аналар мен жасөспірімдерге пойыздағы қауіпсіз жүру ережесін еске салды
Теміржол тасымалы ережелері мен кәмелетке толмағандардың қауіпсіздігі туралы халықтың хабардарлығын арттыру, сондай-ақ «Заң мен тәртіп» тұжырымдамасының қағидаттарын іске асыру шеңберінде ҚТЖ балалар мен жасөспірімдердің жолаушылар пойыздарында жол жүруі қағидаларын еске салады, деп хабарлайды Rail-news.kz.
ҚТЖ ата-аналарға сапар алдында жол жүру құжаттарының, баланың жеке басы мен жасын растайтын құжаттардың, сондай-ақ алып жүруге қажетті құжаттардың болуын алдын ала тексеруді ұсынады.
7 жасқа дейінгі балалар жеке орын бермей-ақ тегін жүре алады. Жеке орын беру қажет болған жағдайда балалардың жол жүру құжаты ресімделеді.
7 жастан 15 жасқа дейінгі балалар үшін балалар билеті ресімделеді. Кәмелетке толмаған баланың ата-анасы немесе заңды өкілі болып табылмайтын адаммен бірге жүруі кезінде алып жүру құқығына тиісті құжаттың болуы қажет.
15 жастан асқан жасөспірімдер қажетті құжаттар және белгіленген тәртіппен ресімделген заңды өкілдің жазбаша келісімі болған кезде өз бетінше сапар жасай алады.
Белгіленген ережелерді сақтау қауіпсіз сапардың маңызды құрамдас бөлігі болып табылады. Ата-аналардың, еріп жүрушілердің және жасөспірімдердің жауапкершілігі бұзушылықтардың алдын алуға және жолаушылардың қауіпсіздігін қамтамасыз етуге көмектеседі.
ҚТЖ ата-аналарды балаларын темір жолдағы тәртіп ережелерімен алдын ала таныстыруға және вокзалдар мен пойыздарда қауіпсіздік талаптарын сақтау қажеттігін еске салуға шақырады.
Заң мен тәртіп жеке жауапкершіліктен және белгіленген ережелерді сақтаудан басталады.