Көшбасшылық дағдыларды дамытуға арналған семинар өтті

«Жолаушылар тасымалы» АҚ жылдағыдай өз қызметкерлеріне арнап оқу семинарын өткізді. Бұл жолы тақырып көшбасшылық дағдыларды дамытуға арналды. Семинарға компанияның орталық аппаратының және аймақтардағы филиалдарының басшылары қатысып, оларға алдымен акционерлік қоғамның бас директоры Питер Штурм кәсіпорынның даму стратегиясын баяндап берді. «Жолаушылар тасымалы» АҚ бас директорының айтуынша, компания жұмысының негізгі қағидаттарына клиентке бағдарланған нақты тәсілдерді, клиент пен олардың қажеттіліктерін білу жатады. 2022 жылдан бастап «Жолаушылар тасымалы» АҚ ұйымдастырушылық моделінің кемелденген 3-ші деңгейіне жетуге ұмтылады. Компанияның болашақтағы межесі – клиентке бағдарлану, көлік қызметі нарығында бәсекеге қабілеттілікті арттыру.

– Бүгін біз компаниядағы түрлі деңгейдегі басшыларға арналған сессиямызды бастадық. «Жолаушылар тасымалы» акционерлік қоғамында бұл шараны біз жылына екі рет өткізіп тұрамыз. Мақсат – тұтастай компания шеңберінде коммуникация қалыптастыру. Бүгін стратегиямызды таныстырып, оның түрлі бағыттарын бағамдайтын боламыз. Бизнес модельдердің өзгерісі, хаб жүйесін құру, интермодальды тасымал, цифрландыру мәселелері де сөз болады, – деп бастады сөзін Питер Штурм.

Бүгінде жолаушылар пойыздары Қазақстан бойынша да, көрші елдер арасында да қатынайды. Болашақта «Үйден межелі жерге дейін» деген қызметті енгізу, клиенттер сұранысын қанағаттандыруға бағдарлану көзделіп отыр. Зерттеулерге сәйкес жолаушылардың 75 пайызы купе немесе плацкарт вагондарды, яғни анағұрлым арзан кластағы вагондармен саяхаттайды.

– Біз Қазақстанның көліктік әлеуетінің негізін құраймыз және еліміздің кез келген нүктесіне және кері бағытта, сонымен қатар халықаралық кейбір бағдарлар бойынша межелі орындарға жайлы, қауіпсіз, экологиялық жағынан таза қалыпта жетуін қамтамасыз етеміз. Ел өңірлерін біріктіріп, мобильділікке қол жеткізуге ықпал етеміз, – деді бас директор.

Оның айтуынша, парктерді басқарудың бірыңғай функциясы жасалатын болады. Ол үшін маркетинг бөлімі анықтаған талаптар негізінде пойыздар қозғалысы жолдарын жоспарлау, пойыздар қозғалысы кестесін бекіту, филиалдармен бірлесе отырып пойыздардың жалпы орналасуын реттеу көзделеді. Сонымен қатар вагондардың техникалық олқылықтарымен байланысты барлық деректерді жинау, кемшіліктер туралы статистика құру, кемшіліктер мен себептер талдауы, техникалық қызмет көрсетуді қоса алғанда барлық қызмет түрлері бойынша тұрақты тексерулерді бастау, үдеріс тиімділігі аудитін бастау жоспарланған.