Вагондар санағы жүргізіледі
«Қазақстан теміржолшысы» газетінің тілшісі
«ҚТЖ» ҰК» АҚ 2021 жылдың 20-31 маусымы аралығында жол қатынасы деңгейіндегі жолаушылар паркі вагондарына тікелей санақ жүргізеді. Осы техникалық рәсім барысында жалпы қолданыстағы, табаны 1520 мм болатын жолдарда пайдаланылатын жолаушылар паркі вагондары мен олардың жағдайына баға берілетін болады. Меншік түріне қарамастан 8 нөмірлі барлық вагондардың санағы жүргізіледі. Жол қатынасы деңгейіндегі осындай шара Қазақстанда бірінші рет жүргізілуде. Болашақта оны жыл сайын жүргізу жоспарланып отыр. Жол қатынасы деңгейіндегі санақ бірнеше басты мәселені шешуге ықпал етеді. Біріншіден, мемлекетаралық және ұлттық деңгейдегі ақпараттық жүйеде тіркелмеген вагондардың жалпы қолданыстағы жолдарда пайдаланылатындығы немесе алып тасталатындығы белгілі болады. Екіншіден, бұл рәсім вагон жөндеу және техникалық қызмет көрсетудің автоматтандырылған жүйесін тез жүзеге асыруға көмектеседі. Үшіншіден, ол вагон бөлшектері мен тораптардың санкцияланбаған алмасулары болуы мүмкін екендігін алдын ала ескерте алады. Соның нәтижесінде бұл тек жолаушылар паркі вагондарына сенімді арттырып қоймай, сонымен қатар тасымалданатын жүктер мен жолаушылардың қауіпсіздігіне де оң әсер етеді.