Теміржолшылар әулетіне - 810 жыл

ҚТЖ келбеті
16.03.2022, 16:11
Сабырхан Сейілбекұлы

Қызылорда облысы бойынша меншікті тілші

Сыр бойында бір атақты теміржолшылар династиясы тұрады. Биыл Бадырақ атадан тараған ұрпақтың теміржол саласында еңбек еткен жылдарын, яғни отызға жуық адамның еңбек өтілдерін жинақтап қосқанда 810 жылды құрап отыр екен. Бұл Бадырақ атадан тараған қос ұлдан тараған немере-шөберенің еңбек өтілі.

Үш жүзге пір болған қасиетті Марал ишанның қадірменді қалпесі атанған бұл әулеттің арғы аталары Қарақозыдан 4 бала өрбіген екен. Бадырақ пен Баеке Сырбойында өмір сүрсе, Тәшімбет пен Есжан қырда мекен еткен. Бадырақ бабамыздың темір жол саласына келуі жайлы мынадай дерек бар. Ол кез-Сыр өңіріне алғаш темір жол құрылысы салынып жатқан уақыт болса керек. Бадырақ атамыз қырдағы туыстарына барып амандық біліп, ағайындарын аралап арбаға қос-қос түйе жегіп елге келе жатса, қазіргі Кемесалған бекетінің тұсында сары шашты, көздері көк, бұрын соңды бұл маңнан көрмеген кісілер алдынан шығады. Олардың шүлдір-шүлдір әңгімесінен Ақтөбеден бері қарай теміржол салып жатқан орыстар екендігін, бұл кісінің түйелерін көріп, жол құрылысы жұмысына көмектесуін өтінгенін байқайды.

Алғаш рет теміржол құрылысын салып жатқан орыстарға алты ай бойы түйелерімен жолдың сай жеріне құм тасып, топырақ төсеп, биік жерін тегістеп көмектескен Бадырақ ата кейін теміржолдың белді құрылысшысына айналады. Осы кезде әкесі Бадыраққа қолқанат боп жүрген қос бүлдіршін Әуез (1909 жылы дүниеге келіп, 1927-1950 жылдар арасында Абыла бекетінде теміржол мастері болған) бен Әбілтай (1913 жылы туылып, 1927-78 жылдары Қызылтам станциясында вокзал бастығы болған) есейгенде әке жолын жалғастырып, теміржол саласына машықтанып, бригадир, шебер, станция бастығы қызметтерін адал атқаратынын ол кезде кім болжаған...

Бүгінде Бадырақ атадан тараған ұрпақ ата жолын абыроймен жалғастырып келеді. Әулет мүшелерінің ішінде еңбектері еленіп, «Құрметті теміржолшы» атанып, мемлекеттік марапаттарға ие болғандар да бар. Жалпы қазіргі таңда атамыздан тараған ұрпақтардың ішінен отыз шақты адам темір жолдың түрлі саласының еңбеккері атанып жүр. Атамыздың кәсібін жалғастырып келе жатқандардың ішінде төртінші ұрпағы - Салтанат Мұратқызы Әбілтай «Тальго» пойызының жолсерігі.    

Бадырақовтар әулеті жұмыс барысында қатаң тәртіпті ұстанып, өз міндеттеріне аса жауапкершілікпен қарайды. Абыройдың еңбекпен келетінін жақсы ұғынады. Теміржолдың темірдей тәртібімен тәлім алған әулеттің қатаң ұстанымының арқасында еңбек адамына жасалған барлық мүмкіндіктер еңбек династиясының күнделікті тіршілігінде компасы іспетті. Барлығы тәртіппен, әулеттің ұстанымын бұлжытпай орындауға күш салады.

-Бабаларымыздың салып кеткен күре жолы бүгінде біздер үшін үлкен даңғылға айналып біздің әулет теміржол саласында еселі еңбек жасап келеді. Біздің әулеттің мүшелері қазіргі таңда Бадрақовтар әулетінің 30-ға жуық мүшесі Қызылорда, Нұрсұлтан, Ақтөбе бөлімшелерінде жұмыс жасап жүр. Әулет мүшелерінің түгелі ата жолын жалғастыруға, яғни әбден теміржол саласына бейімделіп мамандық таңдарда осы саланы таңдауға басымдық беретіні біздердің ата кәсіпке адалдығымыздан деп білемін,-дейді Қызылорда жол дистанциясының инженері Майра Бадрақова.


ҚТЖ келбеті
06.06.2025
Шоқпардан шыққан теміржолшы
Қауіпсіздік
06.06.2025
«Назар аудар, өткел!»: Маңғыстауда жол қауіпсіздігіне арналған айлық өтті
Станция тынысы
06.06.2025
Жаңаесілдің жұмысы жандануда
Аймақтар
06.06.2025
Жамбыл теміржолшылары цифрлық жүйелер бойынша білімін жетілдірді
Жаңалықтар / Мұрағат
06.06.2025
Қазақстан теміржолшысы газеті, №43 06 маусым 2025 жыл
Жүк тасымалы
05.06.2025
ҚТЖ өткен жылыту маусымында 70 млн тоннадан астам көмір тасымалдады
Жаңалықтар
05.06.2025
Қазақстан Транскаспий көлік бағытының дамуына қосатын үлесін арттырып келеді
Жаңалықтар
05.06.2025
Теміржол тарихына саяхат: студенттерге арналған ерекше экскурсия
Аймақтар
05.06.2025
Жол жаңарады – қауіпсіздік нығаяды
Әлеумет
05.06.2025
«Тең қоғам» темір жолда да өзекті
Әлемде
05.06.2025
Түркия өздері өндірген электр локомотивтерін іске қосты
Жаңалықтар
04.06.2025
Теміржолшылар мемлекеттік тілді қаншалықты біледі?
Жүк тасымалы
04.06.2025
Nurminen Logistics Қазақстанға автокөлік бөлшектерін Транскаспий бағытымен тұрақты түрде жеткізуді бастады
Инфрақұрылым
03.06.2025
Алматы айналма темір жол торабы жүктемені 40% түсіреді
Жүк тасымалы
03.06.2025
Сианнан Алматыға: Zhetysu жаңа контейнерлік терминалы алғашқы контейнерлік пойызды қабылдайды
Жолаушылар тасымалы
03.06.2025
Елорда вокзалында бес миллионыншы жолаушыны салтанатты түрде қарсы алды
Аймақтар
03.06.2025
Қазақ-қырғыз теміржолшылары Түрксіб түйіскен тұстағы түйткілдерді талқылады
Аймақтар
03.06.2025
Көктемгі сын нені көрсетті?
Қауіпсіздік
03.06.2025
Дала өртіне даярлық жоғары
Аймақтар
03.06.2025
Жаңа депо іске қосылды