ҚТЖ-ғы «Болашақ» түлегі бірнеше ұтымды ойларын іске асырды

ҚТЖ келбеті
01.04.2022, 10:54
Райхан Рахметова

«Қазақстан темір жолшысы» газетінің тілшісі

«Болашақ» халықаралық стипендиялық бағдарламасының түлектері Қазақстан темір жолының түрлі салаларында абыройлы еңбек етуде. Солардың бірі Данияр Қабылжанов «Жолаушылар тасымалы» компаниясында маркетинг бойынша бас менеджер болып қызмет етеді.

  1992 жылы Ақмола қаласында дүниеге келген Данияр мектепті Алтын белгімен бітірген. Теміржол саласында жоғары білім алу үшін Еуразия ұлттық университетінде Көлікті пайдалану, жол қозғалысы мен тасымалдауды ұйымдастыру мамандығын алды. Ал 2014 жылы «Болашақ» бағдарламасымен Англияның Саутгемптон қаласына оқуға түседі. Шетелдегі білімін жетілдіріп, 2017 жылы көлік инженериясының магистрі атағын алады. Келесі жылы ұлттық компанияға шақырту алып, міне, бесінші жыл теміржол саласында қызмет етуде. Үнемі ізденіс үстінде жүретін жас маман 2020 жылы компанияның «100 жас есім» жобасына қабылданды. Талантты маман теміржолдың дамуына өз үлесін қосуда. "KTZ Express" компаниясының шетелде кеңсесінің ашылу жобасымен, өндірістік көрсеткіштерді power Bi бағдарласымен автоматтандырумен айналысып, аталған қоғам басшысының Алғыс хатына ие болды.

– Былтырдан бастап «Жолаушы тасымалы» АҚ-да маркетинг бөлімінің бас менеджері болып еңбек етемін. Қазір жолаушылар тасымалдау нарығын зерттеумен айналысамын. «Жастар» және «Алтын» дисконттық карталары жобаларын енгізуді қолға алдық. Әйелдер вагоны жобасының іске қосуына үлесімді қостым. Bilet.railways.Kz сайтының және «Билеты КТЖ» қосымшасының жұмысын жақсартуға тырысудамыз. Брендбук дизайны мен идеяларын жүзеге асырдым. «Жолаушыларды қанағаттандыру» деңгейін анықтау әдісін ұсындым. Жолаушылар арасында сауалнама жүргізу, сұранысты, бәсекелес ортаны анықтау секілді жұмыстарда шетелде алған білімімді тәжірибеде қолданудамын, – дейді Данияр.

Оның айтуынша, шетел тілін білу қазіргі жұмыста өте тиімді болып саналады. Данияр ана тіліне қоса орыс және ағылшын тілдерін жақсы меңгерген. Шетелдік компаниялармен әріптестік, өзара іс-шаралар, тәжірибе алмасу барысында тіл білгенінің арқасында еш қиналған емес. Өз жобаларын ағылшын тілінде қорғап, онлайн өтетін жиындарда аудармашы ролін де атқаратын кездер болады.

– «Болашақ» бағдарламасымен шетелде білім алу – үлкен мүмкіндік. Бұл жерде талпыныс қажет. Болашақ кандидаттың мақсаты болса, меніңше, ол адам өз арманына жетеді. Теміржол саласы техникалық мамандық болғандықтан оған ағылшын тілінен ондай үлкен сұраныс жоқ. Мысалы, мен оқуға түскен кезде, бізден IELTS тестінен 6.0 балды ғана талап ететін. Жолаушылар тасымалы жылдан-жылға дамып келеді. Менің осы саланы дамытудағы көзқарасым – мүмкіндігінше жолаушылар үшін сервис сапасын арттыру. Бұл дегеніміз – вагондардың сапасын жақсарту, билеттер құнына жеңілдіктер ұсыну және компаниямыздың халықаралық деңгейге көтерілуі, т.т. Сондықтан, қызметімді атқарумен қатар семинар, курс, конференцияларға қатысып, ұдайы білімім мен тәжірибемді арттыруға тырысамын, – дейді ол.

Болашағынан үлкен үміт күттіретін «Болашақтың» түлегі Данияр отбасын да құрып, бүгінде 2 баланың әкесі болып отыр. Жұбайы әуе тасымалы қызметінде жұмыс істейді. Ата-анасы – бірі зауытта еңбек етеді, екіншісі мектепте мұғалім. Қарапайым отбасында өсіп, жақсы тәрбие алған Данияр сияқты дарынды жастар талай биікті бағындырары сөзсіз.

Аймақтар
06.10.2022
Теміржолда шыңдалған азамат бүгінде ел басқарып отыр
Жаңалықтар
06.10.2022
ҚТЖ-да IPO бағдарламасы туралы айтылды
Жаңалықтар
05.10.2022
ҚТЖ вагондарды беру-жинау кезінде сыбайлас жемқорлық тәуекелдерін жояды
Жолаушылар тасымалы
05.10.2022
Hyundai Кореядағы ең жылдам жүрдек пойызды жасап шықты
Жаңалықтар
05.10.2022
Еліміздің транзиттік әлеуетін нығайтуға бағытталған ірі жобалар іске аса бастады
Әлеумет
05.10.2022
ҚТЖ төрағасы салалық кәсіподақты 30 жылдығымен құттықтады
Жолаушылар тасымалы
05.10.2022
Қазақстанда пойызбен жүретін жолаушылар саны 33 пайызға артты
Әлеумет
05.10.2022
Теміржолшылардың тұрмыстық еңбек жағдайы жақсарып келеді
Спорт
04.10.2022
Астанада өткен марафонда атыраулық теміржолшылар топ жарды
Әлеумет
04.10.2022
Қарттарға құрмет көрсетілді
Әлеумет
04.10.2022
Қызылордалық теміржолшылар қарттар күнін ерекше атап өтті
Аймақтар
04.10.2022
Әлеуметтік қолдауға әрбір жұмысшы лайық – Кәсіподақ
Аймақтар
04.10.2022
Ұйымдастыра білген ұтады
Аймақтар
04.10.2022
Көшбасшыға қабілеттілік қажет
Сұхбат
04.10.2022
Кәсіподаққа деген сенімді ақтау – басты міндет
Әлеумет
04.10.2022
Еңбек жағдайына ерекше көңіл бөлінеді
Аймақтар
04.10.2022
Кәсіподақ жетекшісі: Сенім үдесінен шығу – міндет
Аймақтар
04.10.2022
Машинистер мүддесі жолында еңбек етіп жатқан жан
ҚТЖ келбеті
04.10.2022
Үздік инспектор
Аймақтар
04.10.2022
Сенім – бәрінен биік